::: مـنتدى قبيلـة الـدواسـر الـرسمي ::: - معركة بين الرجبان والسودة

هذي المعركة وقعت بين الرجبان وقبيلة السودة من سبيع وكان الرجبان بقيادة شيخهم مبارك بن سعود بن هقشه وقبيلة السودة بقيادة شيخهم مناحي بن باحص وانتصر الرجبان فيها انتصارا كبيرا على السودة وقتلو شيخ السوده قتله الشيخ مبارك بن هقشه

وبعد فترة من الزمن ارادو السودة الثار لاميرهم وكان بينهم وبين ال مسعود قحطان معارك ومناوشات فقام الشيخ الحميدي ابن باحص وارسل قصيدة يسندها على الشيخ الفارس ذيب بن جعفر بن عبود شيخ ال مسعود يطلب منه الصلح حتى يتفرغ لحرب الرجبان والاخذ بالثار ويتمنى فيها قتل الامير مبارك بن هقشه

يقول فيها:
ياذيب قربنا من المصلوح === ودي نصبح سربة الرجبان
ارب نقطعهم من المسروح === نسوقها بمذلق العيدان
وجدي لشوف مبارك مطروح === من وقع رمحي من على هدبان
لاكلحت الانياب بعد مزوح === يالله تهيي لي فرس حشان

وهدبان هو اسم حصان ابن باحص

فرد عليه الفارس الجهيمي الطوال بقصيدة يقول فيها:
ياطارش من عندنا بتروح === رد الخبر لبويني الطحان
كثير هرج العوهلي مزوح === وخضير لاجا اللقا مابان
ودي نزيد جروحهم بجروح === ومناحي زدناه بكميهان
وفضا عقب الرمك مطروح === يكفخ عليه الطير ابو جنحان

وسلامتكم.............