|
ابن عظيمان يرثي الشيخ جابر
ان القلب ليحزن ..وان العين لتدمع ....وانا على فراقك لمحزونون
يعجز التعبير ..........................!!!!!
حل الفراق وهلت دموع الاعيـان=تفجري فـوق الـورق يالمحابـر جات الدموع تقول: ذا موعدي حان=وانا على العبرات ما احتال اكابـر ماشفت في فرقا حكومه وشيخـان=فرقاً مثل فرقـاك يالشيـخ جابـر كن الحزن ليلٍ كسا قصر دسمـان=وكن الفرح شيـخٍ خذتـه المقابـر عليك هل الدمع ياطيـر حـوران=محدٍ على فرقاك ياشيـخ صابـر تبكي الكويت جموع بدوٍ وحضران=وتبكي عقب فرقاك كـل المنابـر ياغيـث فقـرانٍ وياعـز يتمـان=رجل المظاهر غير رجل المخابـر للشعب عون وللمـروات عنـوان=للطيـب منبـاعٍ وللكسـر جابـر تاريخك ابيض فاح مسكٍ وريحان=ماهوب تاريخٍ مع الوقـت عابـر ياشيخ جابر رحت واهديت الاحزان=حتى غدت الاحزان مثـل العنابـر مرحوم ياشيخ المروه والاحسـان=الله يبيحـك ياوريـث الاكـابـر ماضــــــــــــــي العضـــــــــــــــيمان |
صح الله لسان ابن عظيمان والله يرحم سمو الشيخ جابر الأحمد ويسكنه فسيح جنانه
ولاهنت اخوي على ايراد المرثية |
صح الله بدنك
والله لايهينك هايف العماني |
كن الحزن ليلٍ كسا قصر دسمان
وكن الفرح شيخٍ خذته المقابر الله الله على البيت اللي يسوى له قصيدة ياصبي المخاسير ، والله يرحم الشيخ جابر ويعفو عنه |
صح الله لسان ابن عظيمان
والله يرحم سمو الشيخ جابر الأحمد ويسكنه فسيح جنانه ولاهنت اخوي على ايراد المرثية |
مرحبا اخي عبدالمحسن المسعري
ونتشرف على اعجابك ومالله لايهينك |
ولا انت يادغش البطي
ومرحبابك |
صح الله لسان ابن عظيمان
والله يرحم سمو الشيخ جابر الأحمد الصباح ويسكنه فسيح جنانه وبيض الله وجهك ياصبي المخاسير على ايراد المرثية اخوك / فهد الغريري |
الله لايهينك يالمسعري
ويشرفنا اعجابك |
مرحبا الغريري
ومشكور وماقصرت |
الساعة الآن 12:45 AM
 |
Powered by vBulletin® Copyright ©2000 - 2025, Jelsoft Enterprises Ltd.
---