::: مـنتدى قبيلـة الـدواسـر الـرسمي ::: - اقوى المحاورات في المنتدى1

اخوان هذه محاوره لخونا المسعري وهي من اقوى المحاورات حماس ومتعه وقد قررنا ان تكون هذي نشره اسبوعيه لاحسن المحاورات خلال الاسبوع
انشاءالله تنال اعجابكم

ياسلام الله سلام ٍ فيه للشعـار جابـه=جابةٍ تنهي خلاف أهل المدينه والبوادي
قالوا ان فرعون باني له هرم كبر ومهابه=لين طمّه بحر جده واختفى من كل وادي

مرحبا ياشاعراً سم الحيايا فـي جرابـه=لو بدا تسليمته في عطف معناها السوادي
الهرم محروس من ربعً يفكون الطلابـه=والبحر لوطاش عرق بلادنا يحمى البلادي

البقا يالشاعر الي انفتـح للشعـر بابـه=والقضيه حكمها بين الحراره والبـرادي
ماكفاك الفارس الي ماتهنى فـي شبابـه=صار قايدكم وهو معنا مثل عود العرادي

كل بيتً لو عمر معروف تاليه الخرابـه=وكل زرعاً لو ربا تالي حياته للحصـادي
والحصيني في زمانه راز هقوات الذيابه=لو نبحث في العلوم الخافيه جاك الهجادي

ماتطيح بيوتنـا عمدانهـا فـوق السحابـه=انتوارث عزنـا وافعالنـا شفهـا جـدادي
الوعد ياصاحبي اليا انحنـى قـوس الربابـه=وانسمع صوت الحزينه وسط اذاعات الروادي

العمود اللي بنيته مثـل قيعـان السرابـه=ويش عزك ويش فعلك ماضهرعلماًوكادي
مايجيب العلم كون اللي شقا بـاول شبابـه=وانت هايم يامهيم اسمك يدل ان كنت غادي

يالمساعر علموا ورعانكم اصل الكتابه=لجل يوم ٍ مثل هذا مايجي فيه انتقـادي
واعذابي من ضمير ٍ جدد المولى عذابـه=اطلب الشيخان ويجيني وراعين الزهادي

ابن مسعر ذيب لاطـب الغنـم بيـن صوابـه=من صعاطيره يشب النار من قـدح الزنـادي
وكم توهـق بالمواقـف واحداًمثلـك زلابـه=والشيوخ شيوخ في الميقاف من فوق الشدادي

الزمن لو هو يرصك بين ضرسينه و نابـه=كان ماشفتك تدودي عندنا ياابو الدوادي
ماعلى مثلك حروس ولاعلى مثلك رقابه=اشعب ابعيرك مع الوديان ياراع النوادي

كم تفوه في المجالس من فصيحين الخطابه=مير لامالت سروج الخيل مامنهـم مـدادي
يومها بين القبايل حلف خنـذف اوشبابـه=مايغط اسمه ورسمه كون سايست الجوادي

الله ايفكك يابن مسعر من ايديـن العصابـه=اسلك الدرب وتنبه لاتجـي درب الجيـادي
والله ان سيوفنا وقـت المعـارك والحرابـه=ترتوي في رقاب شيخان العرب خطل الايادي

في المواقف ماابتلشنا في محيميد وكلابه=وللجياد محددين جمالنـا ضدالاعـادي
ياردي الرابعه وش فعلكم يوم المجابـه=والحبارى لو تجي في بلادنا يوماًتصادي

فالمواقف تختلف لفعال ماهـي بتشابـه=واحدٍ لاقام عدّا وواحدٍ لاقـام عـادي
صيدها عادي يقوله المترجم فـي كتابـه=والا انا حر ٍ ولي وقت الهدد فعل وهدادي

قولكم بلسانكم ميـر الحقيقـه ماتشابـه=واعذابك من شويراًمايشيرك بالسـدادي
امضغ لسانك ورد اللي سرت خلها دعابه=ليت شيبانك بليلاً فات خلوهـا رقـادي

جمرةٍ بين الضلوع اودت بروح ام الكآبه=قاصر ٍ حيلك وصرت اليوم مجنونٍ تعادي
قام اخونا المسعري يلطا لسانه في لعابـه=مايلام المسعري جاه الوهم سم العبـادي

ضايعاً بين القبايل ياعذابـه ياذهابـه=مالقا من يكفله من يوم توه بالمهادي
غط جده غط ربعه عزتي للي غزابـه=مير شد الحمل يالهايم ونلقا لك عتادي

وانتضرونا في الاعداد القادمه