|
نادولنا شاعر يا اهل المحاوره
سلام رديّه تذر الكحـل بعيـون الحسـد=====تلفي مجال اللي يحاولها ولاهو حولهـا
السبت قدام الاحد واللي ورى السبت الاحد====اقولها واللي معه فكـرٍ سليـم يقولهـا |
يا مرحبا عــد ما جــــلادٍ جـــلد ====== بك ياشاعر مــطـير أبــا أقــولها
الله يكفينا من شرور البلاوي والحسد===== اقولها واللي معه فكر سليم يقولها تراها اول مره اتحاور لحد ينقد علي هههه |
دام البقاء للشرافي خيّال الجهام المعتمـد===== اقولها لأهل الطبول اللي تدق طبولها
استغفر الله يوم قلت ام الولد جابت ولـد=====يوم انها قامت تشيل الجمر وسط حثولها |
حياك ياشاعر من مطير في منتدى الدواسر وعتبي على الاخ عبدالرحمن الشرافي لو فسح المجال للاخوه اللي لهم باع في اللعب كان احسن بحكم انها اول محاوله له |
اقتباس:
|
اخوي الغالي (( شاعر مطير )) انتظرتك حوالي نص ساعه ولا رديت.. وكان ودي اخذ معك وعد ....؟؟ لكن تحقيق لرائي و رغبة اخواني الغاليين ((( المسعري وابن وتيد ))) هـــــونــــت .... بحكم انهم اكبر مني في الشعر و فالسن )))) اخوي المسعري وابن وتيد ((( بقولكم....... انا قبل لاأرد عليه شفت قائمت المتواجدين وما لقيتكم ولا لقيت بدر بن نايف وقلت اجرب )) وإذا حصل مني شي فالعذر والسموحه تحياتي.. |
ماحصل منك قصور يالقرم وافي جعلني ماذوق حزنك
لكن المحاوره مع شاعر جديد او من خارج القبيله من الاولى اتاحه الفرصه للشعراء المعروفين وذلك لعكس صوره ممتازه عن المنتدى لشخص القادم وشعر المحاوره لا يقتصر على المسعري او ابن وتيد او بدر بن نايف فهناك الكثير من الشعراء الجزلين ويشار لهم بالبنان. ونعتبر انفسنا كسبنا شاعر جديد وعذرنا يالقرم كلنا اخوان والغلط بينا مدموح. |
تابعو // شاعر المحاورة سلطان الدوسري يرد على شاعر قبيلة مطير .. بأبيات من الوزن الثقيل .............. فتابعو .....
|
الله لايهينك ياحسن مسرع على المرور بس مدري من تقصد بشاعر مطير ان كان اللي لعب معه عبدالرحمن الشرافي في هذي الصفحه فهذا طارروق فات اما ان كنت تقصد شاعر المطران تركي الفين فعساه على القوه ومفروض انك نزلت موضوع خاص لان هذي الصفحه للموضوع هذا بس |
السلام عليكم ورحمة الله وبركاته :
فاقد الشئ لا يعطيه ... والاخ الذي تسمى بإسم ( شاعر مطيري) ينطبق عليه هذا القول .. تعجبت كثيرا وانا أرى محاورة قديمة بين الشاعرين : (( نواف العازمي العتيبي)) و (( عبدالله العير المطيري رحمه الله ))توضع هنا باسم (( شاعر مطيري)) أين المصداقية يااخي الكريم ؟؟ المحاوره سمعتها من قبل في تسجيل صوتي .. وتم نشرها ايضا في مجلة (( المختلف)) في العدد رقم (( 172)) شهر نوفمبر 2005 وهذه بعض ابياتها : نواف :
سلام ردية تذر الكحل بعيون الحسد = تلفى مجال اللي يحاولها ولا هو حولها عبدالله :السبت قدام الاحد واللي ورى السبت الاحد = اقولها واللي معه فكرٍ سليم يقولها
يامرحبا يا سعود يوم انك تغني مع سعد = اهل العقول البيض مدري وش دخل بعقولها نواف:تراك يانواف بن منور غريب عن البلد = والمقفليّة عند رجّالٍ يحفظ قفولها
دام البقاء بـ سعود خيّال الجهام المعتمد = مااقولها لاهل الطبول اللي تدق طبولها عبدالله : استغفر الله يوم قلت ام الولد جابت ولد = يوم انها قامت تشيل الجمر وسط حثولها
إليا قنب سرحان في الظلماء ورد ولاّ شرد = والصايحة تنخى وكل الناس مالدّولها نواف :عين المهلهل عقب اخوه كليب والفها رمد = والناس قامت يم حرثتها تعن خيولها
انا ادري انك علةٍ صرمى ولا ادري وش بعد = المشكله حلياك حلياها وزولك زولها عبدالله :ترعد وتبرق سالفتكم جعل مافيها برد = يالله عساها المزنة اللي ماتسيل سيولها
ابن الحلال اللي حرث عنها تورّط وانقرد = انته تحاليها وانا حملتها بحمولها نواف : الله واكبر يالعوازم ياقويين الجهد = ان كان فيكم خير سربتنا الصباح اقفوا لها
ان جيت مازاد العدد وان رحت ما تنقص عدد = تبغى الصحيح اضحك على ناسٍ خفاف عقولها عز الله انك فارسٍ قطّاع لو ما ترتعد = والاّ العوازم خابرين فعولكم و فعولها الى آخر المحاوره .... وانا استغرب من الاخ المطيري اقحام اسم ((الشرافي)) في رده الثاني عليه وكيف وضع اسم الشرافي بدلاً من (( سعود)) !! أتمنى من الاخوة الكرام ان يحتاطوا كثيراً لبعض المرتزقه الذين يحاولون العبث بهذا اللون الجميل من الشعر وتدنيسه بسرقة افكار الشعراء العظام دون خجل او حياء !! والسلام عليكم .. |
لاحول ولاقوه الا بالله
هذا والله الي مرضه مستشري يسرق في وضح النهار الله لايهينك ياذيبان يا افلاطون دوسر على فضح هذا ومثله لا وكاتب شاعر من مطير بس احسن اسم يليق عليق (سرووووووق من مطير ) |
لاهنت ياافلاطون وعزالله انه جابها لنفسه
وبين على الحقيقه اتمنى من الشعار عدم الرد على هذا الشخص في اي محاوره حتى يعتذر ويبرر موقفه لمنتدانا والاّ اتخذنا معه اجراء الطرد من قبل الاداره الموقره |
الساعة الآن 08:22 AM
 |
Powered by vBulletin® Copyright ©2000 - 2025, Jelsoft Enterprises Ltd.
---