اليتم يتم المرجله والشكاله=وألا يتيم ابوه يكبر ويكتال
يلقى من الاجواد طيبن بداله=والطيب فى دار الاجاويد منزال
والفقر ماقوله لمن قل ماله=الفقر بنفوس المقاريد حلال
كم واحد مااغناه صافى رياله=ويمت فيها ماارتوى نص فنجال
وكيل الذهب لو تدفنه قى الزباله=يبقى ذهب لو توزنه عند كيال
وكيل الحجر لو الذهب له شماله=ماغيره ولا زاد بالقدر مثقال
والطيب ساس ولا تهاون مناله=ولاهوب ثوب ويلبسه كل رجال
الطيب يورث مثل ورثه وماله=الطيب مورث معرب الجد والخال
واحد يساقى بالردى والنذاله=ويفطم على حب الزلايب والانذال
مخطى درب المرجله من هباله=مشقيه منها سمكت الثوب وعقال
واحد تورث طيب عمه وخاله=متورث ساس الشرف طيب الفال
يحفى سبوتك فى دروب الجماله=قرم لبس تاج الرجوله وناله
قرم لبس تاج الرجوله وناله =للطيب طيب وللردى سم قتال

المشاركة الأصلية كتبت بواسطة ابو عبدالرحمن الودعاني (((((أخي وإبن عمي الغالي))))) صح لسانك ولسان قايلها ووالله معانيها طيبه جداً مشاركة طيبه وجهد رائع نتمنا منك الإستمرار والمزيد وأسأل الله أن يمدك بعون من عنده ويجعل ماتقدمه في ميزان حسناتك يوم أن تلقاه.

المشاركة الأصلية كتبت بواسطة الزير سالم الطيب يورث مثل ورثـه ومالـه..... الطيب مورث معرب الجد والخال أنــا أشــــــــــــهد صح لسانك يا الجعيدي وبيض الله وجهك قصيدة طيبه من وجه طيب تقبل تحياتي

المشاركة الأصلية كتبت بواسطة يحيى الودعاني تسلم يمينك وبيض الله وجهك وصح لسان الشاعر لاهنت

المشاركة الأصلية كتبت بواسطة دغش البطي السلام عليكم ورحمة الله وبركاته الراوي المجيد : صالح الجعيدي بيض الله وجهك على نقل هذه القصيدة الجزله وهاذي عوايدك ياذيبان ماتجيب إلأ الجزل فصح لسانك ولسان قايلها ولاتحرمنا من ماتختزن من الروائع والدرر الثمينه تقبل الود والتقدير من محب الجميع

المشاركة الأصلية كتبت بواسطة خاطر محمد الخاطر الاخ الكريم دغش البطي صح الله السانك ولسان قايلها وننتظر جديدك

المشاركة الأصلية كتبت بواسطة مطلق الحصان آل عمار عااااااااده النادر يجيب النادره اخي صالح الجعيدي بيض الله وجهك على الاختيار الرائع قصيده تربويه رائعه جدا قصيده في قمه الجزاله تحكي واقع وصح لسان شاعرها ولك بالغ شكري وتقديري