ياراكب من عندنا فوق ست تعنـى =من حميها تكسر عصي المواسير
تلفى لنا ابن حفيـظ زبـن المجنـى =حامي اعقـاب اقطيّهـن بالقناطيـر
يالـيـت مظـهـور يـبــاري ظـعـنـا =يـوم التقينـا بيـن عـذال وامشيـر
الطـامـع الـلــي زارنـــا ماتـهـنـا =خذنا جواده والسلـف والمظاهيـر
واخيـار ذوده صـدرت فـي وطـنـا =من عقب ماترعا خشوم الدعاثيـر

يـا مرحبـا باركابـك اللـي لفـنّـا = اعداد ماتـذري هبـوب المعاصيـر
يامرحـبـا ترحـيـبـة ماتـمـنـا= لامنـه بـدل رفقتـه قاطـع السيـر
ليـت الحمايـا يـوم جتنـا وحـنّـا= بين( الجفير) وبين عـوج الدواويـر
والله أن يجيكـم يـا جماعـة ظعنّـا = وخيـل تنـازي بالعيـال المناعيـر
حريبنـا لا شافـنـا جــظ مـنّـا = مثل الخريش اللي بلاها مـن الطيـر
ماقـومـه الا بالمـلاقـا طـعـنّـا= من فوق قب معسكـرات المساميـر
يا نفـدى اللـي يـوم غبنـا كفنّـا= سربة (اصخاف الشول) عند المعاشير
لا جرها( ابن قويـد )زبـن المجنّـا= يسهج خصيمه مثل سهج الطوابيـر

الودعاني

لاهنت وعساك على القوه

وبيض الله وجهك واسمح لي يابن العم بتنسيق

القصيد اللي تفرح وعلمهم غانم

وجعلك تدوم يا الودعاني

قولٍ على فعل


بيض الله وجهك يالودعاني

على نقل مثل هذه القصائد

الغاليه عندنا حيل


الله لايهينك