[معلومات العضو المغيضبي]

هذه القصيدة للشاعر / محمد بن ثرياء الدوسري
في الأمير مران بن متعب بن قويد الدوسري

يالله يالمطلوب ستار الأحوال=ياراقع الخصات عال الجلالي
جعلك تعز اللي لهم ذكر وأفعال =شيوخ الرجال مزبنت كل جالي
أنص الرجال وترك الرخوم الأنذال=ويالله عسى مال الرديين تالي
تركز له البيضاء على راس ماطال =ويستاهل البيضاء إلا جاء مجالي
مران أبو تركي إلا هف بك جال =لامن نصيته عنك الهم زالي
لامن عطى يعطي عطيات وجزال=يعطي العطى ماهوب يبغي بدالي
عز الرفيق وللمعادين سلاال=ومن حاربة كنه على جال صالي
من لابتن بالهوش شجعان وأبطال=لطامة العايل نهار القتالي
عدوهم يظرب بدلوه على الجال=يشرب هماج ويشربون الزلالي
زيزومهم مران بدقاق وجلال=ياجعل يفدونه رخوم العيالي
مشيدن بيت على كل الأشكال=باب من القبلة وباب شمالي
البيت للضيفان والجار مدهال=ويذبح سمين الضان لو كان غالي
راعي معاميل بها العبد عمــّال=البـّن يشرى في عسير الليالي
هذي بمركاها وهذي بمعمال=وهذي يصبة في حسيـّن الدلالي
هو شوق من قرنة على المتن ميـّال=بنت الذي يحمي عقاب التوالي
وصلاة ربي عد مازايل زال=وصلوا على محمد عداد الرمالي