الشريف بركات من الاشراف رجال معرووف له قصايد كثيره
وأغلب قصايده تحتوي على الحكمه والنصح
واخترت انا هالقصيده المشهوره وهي تتضمن الحكمه وهي مسنده لأبنه [ مالك ]
يقول الشريف بركات :
يالله ياللى كل ألامات ترجيك = ياواحدً ماقد خاب حيً ترجاك
يامرقبٍ بالصبح ضليت اباديك = ماواحدً قبلي خبرته تعلاك
[ وليت] يااذا الدهر مااكثر بلاويك = الله يزودنا بالسلامه من أتلاك
يامالك اسمع اجابتي يوم اوصيك = واعرف ترى ياابوك بأمرك وانهاك
أوصيك بالتقوى عسى الله يهديك = لها وتدركها بتوفيق مولاك
الله بحق اجدادك الغر يعطيك = رضاه مع كل ماتمنا من امناك
احفظ دبشك اللى عن الناس مغنيك = اللى اليا بان الخلل فيك يرفاك
واعرف ترى مكه ولاها ابن اخيك = لو تطلبه خمسه دواوين مانطاك
اجعل دروب المرجله من معاليك = وادراج سيسها على العز مرقاك
لاتنسدح عنها وتبغيني اعطيك = جميع مايكفيك ماحاصل ذاك
احذر امر ليعات أبيها لتاليك =ايضا ويرخص عندها قدر مأواك
أدب ولدك ان كان تبغيه يشفيك =واستسعفه من بعد مرباه بالاك
اما سمج واستسمجك عند شانيك = ويفر من فعله صديقك وشرواك
والا بعد جهله تراه هو بياذيك = لو زعلت امه لاتخليه يالاك
وأوف الرجال احقوقها قبل تعنيك = ولاتعتمد بالعفو فالحق يقفاك
واذا نويت احذر تعلم بطاريك = كم واحدً تبغى به العرف ويغواك
ولاتحسب ان الله قطوعً بيخليك = ولاتفرح ان الله على الخلق بداك
والضيف قوم له حين يلفيك = مما تنوشه يافتى الجود يمناك
واحذر تلاقي الضيف مقرن علابيك = خله محبً لك صديقً اذا جاك
اما الشهاده ادها ان دعوا فيك = بين عمود الدين لاعميت ارياك
بالك تماشي واحدً لك يرديك = طالع بنى جنسك وفكر ببمشاك
واحذر عن طرد المقفى حذااريك = وعليك بالمقبل وخل من تعدااك
ثم ألعن الشيطان لياه يغويك = ترى ان تبعته للشرابيك وداك
واوصيك لاتشكي علينا بلاويك = انت السبب أخذك عيونك بيمناك
والنفس خالف رايها قبل ترميك= ترى لها الشيطان يرمي بالادراك
ومن بعد ذا لاتصاحب النذل يعديك = وعن صحبه الانذال حاشاك حاشاك
ترى العشير النذل يخلف طواريك = وانا ارجي انك ماتجي دون آباك
والهقوه انك ماتجي دون اهاليك = ولاذكر عود الورد ينبت بتنبااك
والحر مثلك يستحي يصااحب الديك = وان صاحبه عاعا معاعات الادياك
ماخطاك ماصابك لو كان راميك = واللى يصيبك لو تتقيت ماخطااك
مير استمع مني عسى الله يهديك = النصح يامالك لك الله مولاك
عندي مظنه ماتمثلتها فيك = واطلب لك التوفيق من عند مولاك
والقصيده اطول من ذاالك