هذه محاوره الاسبوع كما وعدناكم جرت يوم الاربعاء ليله الخميس الموافق24/10
وكانت بيني وبين عملاق المحاوره بدون منافس ابوزايد التغلبي
اترككم مع المحاوره
المسعري
يامرحبـا يالتغلبـي لاعدمـنـاك=ياشاعر للمرجلـه تتعـب خطـاك
اكرب حزامك ياولـد لاهجدنـااك=سبع الاراضي تحت سبع السموات
الملعـبـه مـيـدان ياحمـيـدان=بينـي وبيـن الشايـب العـلـه
دكتور اداوي حضـره الوجعـان=اليـن يجفـل لالـمـح ضـلـه
ابوزايد التغلبي
وبك البقا يا شاعر ما به اقصـور=يا من بنيت لساحة الملعبة سـور
لكن ترى قدامـك الليـل دكتـور=سبع الاراضي تحت سبع السماوات
يالمسعري خلـك وسيـع بطـان=لامـن حضرنـا سيفكـم سـلـه
عن اذنكـم يـا ربعنـا الظفـران=لاجيتنـا لــه دمـعـه يهـلـه
المسعري
الليـل تـوه يارفيـع المقـام=ـيبيني وبينك ضرب حامي بحامـي
لاكن قلي كيـف حـال الحرامـي=سبع الاراضي تحت سبع السموات
قبل امس اشوفك فارس الميـدان=واليـوم فرضـك ياولـد صـلـه
ياللي تحسبـون البقـر حيـران=دكانكـم تقفيلـه احـسـن لــه
ابوزايد
إلى احتمى الميدان ياطير حـوران=يثور في وسط المياديـن بركـان
لاتقول كنت وكان ، ماكان قد كان=وسبع الاراضي تحت سبع السموت
اليوم وامـس وقبلهـا يـا فـلان=شربـت فنجـالٍ مــن الـدلـة
كنت أحسب الفارس بيده اعنـان=اثـر العـرب ماعنـدهـا مـلـة
المسعري
كلايشـوف انـه يعـادل قبايـل=وانه علـى ماقيـل مثلـه قلايـل
مير البلا لاجاك علـم الصمايـل=سبع الاراضي تحت سبع السموات
لاوالله الاضـفـروا الشـيـبـان=فـي موقفـاً محداًنـديـدا لــه
مير البلا انـك شايبـا سهـران=بعـض الخوافـي لاتبيـن لــه
ابوزايد التغلبي
مادام ابن بطي معي يالسنافي = النشمي اللي فالمواجيب وافي
بامشي قدم مانيب أطالع خلافي=وسبع الأراضي تحت سبع السموات
اللي يغيب إن كان وقته حان =حطه على يسراك ثم زله
شايب ولكن فاللزوم حصان =لكن أظنه جا بعد حله
المسعري
انت ومديرك مالحقنا بكـم ريـب=احرار نسل احرار من ماكر الطيب
لاكن وسط الملعبه قدمكـم ذيـب=سبع الاراضي تحت سبع السموات
اللي يغيـب اليـوم غيـره بـان=ياللـي مسـوي ضااابـط الحلـه
يـاذا الحصـان بنكربـك بعنـان=ايليـن تتـرك مجلـس الشـلـه
ابوزايد
أنا ومديري نمشي الدرب قدام = يوم إن بعض الناس في دنيته هام
يالمسعري طير الفلا فوقكم حام =سبع الاراضي تحت سبع السموات
منته بابن شايق ولا ابن سنان=مير استرح وحجاجكم فله
قدامكم شاعر قوي لسان =ناره سمر ما ناره بجلّـه
المسعري
انا اشهد انك من عنا الوقت تعبان=نصيحتي حول من الرجم يافـلان
وترا الفلا وطيوره اشكال والوان=سبع الاراضي تحت سبع السموات
وحضرتـك لاملفـي ولاسلطـان=شايـب وتحـرق جنبـك الــه
من قوتك تالـي الزمـن بلشـان=يلعبكـم فـي ملـعـب السـلـه
ابوزايد
يا لمسعري الله يذكرك بالخير = وش فيك تال الليل ضيعت فالسير
ما فيه لو تحلم (تمسوا على خير) = سبع الأراضي تحت سبع السموات
من المساري ليش وجهك شان =إن طعتني خل الكبر خله
ماعندنا جدة ولا لبنان =ماعندنا إلا صالي الملة
وفي الختااام نشكر الشاعر الكبير ابوزايد التغلبي على تفظله وتلبيته للدعوه ونشكر الجمهور والصفوف اللذين ساندونا في هذه المحاوره الممتعه بلاشك بوجود شاعرنا ابوزايد