السلام عليكم ورحمه الله وبركاته
غزوا السميان -وهم احد افخاذ البقوم الشهيره- في احد الايام لكسب الابل كما هي عادات القبائل في العصور الماضيه وغنموا ابل طيبه وقد اتضح
انها ابل الشيخ / شالح بن هدلان وطلب من مشايخ البقوم التوجه على الاد سامي الا ان مشايخ البقوم منهم من رفض
وقال هذا كسب ومنهم من حاول ولكنهم رفضوا 0واخيرا تدخل الشيخ / هندي بن حمود القرفي لدى السميان ووافقوا
له باعادة الابل لابن هدلان فتمثل بهذه القصيده وهي اطول من ذلك /:
يافاطري عثوا السنـام الردومـي=اللي لبنهـا مايغبـى عـن الجـار
ظليت اسوم الروح سوم معدومـي=دون البسوط اللي لها ني وحـوار
وياطول ماعديت عنـك البقومـي=سمو البقوم اللي بعيديـن الاذكـار
خيالهم كن الفـرس بـه عزومـي=وتفاقهم يقدم علـى الملـح لاثـار
غدوبها السميان في وقـت نومـي=غدوبها السميان مع وقت الاسحار
وثورت ابن غنام ومثلـه يقومـي=انا اشهد ان للشيخ هرجه ومثيـار
ونخيت هجرس شوق حان الرقومي=ستر العذارى يوم لوذات الاسعـار
ونخيت قانان الحصـان العزومـي=زبن الرديه لا تـلاذوا بالاشـرار
وازروا عليها ياجـدون السلومـي=لاعلقـة تلـزم ولاعانـيٍ صـار
وجاني بها ابن حمود شيخ اللزومي=من الضياغم متعبة قحص الامهـار
اما الشيوخ البقوم الذين تم ذكرهم في القصيده فهم
1- الامير / سعد بن مشحن غنام
2- الامير / نقا بن هجرس الدغفلي
3- الامير / قانان بن شيخ من ارحمان
4- الامير / هندي ابن حمود من القروف
الراوي / ناهض بن قاعدبن سحمي
منقول من الكاتب ابن شيخ
اخوكم ابو زيد الغييثي