[معلومات العضو العماني]

السلام عليكم

عندما كان أمير وفارس قبيلة العجمان راكان بن حثلين رحمة الله عليه في سجن الأتراك ،وفي أحد الأيام قدموا له صحن وفيه((خيار)) وهو نوع من الخضره ،وكان أول مره يراه فلما قالوا له اسمه تهيّض وقال:

يالله يامعطي العطايا الخيارا=يامعطي الجنة عبيدك من النار
ويالله ياخلاّق ليل ونهارا=متعاقبات دب الايام سيار
واللي طلعت شمسه وبان النهارا=والناس تسعى بالدلايل والانظار
قالوا (خيار) وقلت ماهو خيارا=ولافي خيار(ن)كود زينات الاثمار
خيار الملا ألملتقى في الزيارا=محمد نبي الله ناتيه زوّار
وخيار البيوت كبارها والصغارا=نزور بيت الله حجابن عن النار
وخيار السبايا مسرجات المهارا=لاروحت مع اول الخيل عبار
وخيار الأباعر طيبات البكارا=وخطوا رجوح(ن)بأول الذود معطار
وخيارتي ربع(ن)قروم سطارا=يفرح بهم قلبي اليا صار ماصار
لا طار ستر مخبيات العذارا=والي شبك صوت الزعاريت والثار
واليا تعلوا فوق قب(ن) تبارا=فزعاته تجلي عن الكبد الامرار
وماقلطوا للضيف كثر العذارا=والكل منهم يكرم الضيف والجار
وصيانين فيها الشحم والفقارا=ودلال فيهن أشقر البن وبهار
وانا لقيت خيار بيض العذارا=ماهازها راعي الردى سر وجهار
ابو قرون كاسياته نثارا=متحدر(ن) من فوق الامتان نثار
وحجيجه مثل القلم يوم سارا=بيت الطلاحي يصبغ الحبر وان سار
والعين عين موحشات الحرارا=والحر الاشقر لابرق الريش عفار
وبريطماته كالبرسيم صغارا=شبة الحرير اللي على الصدر بزرار
وثنيواتة كاللولو عفارا=شبة البرد وان هلتة مزن الامطار
ياشبة لريم (ن)لا جفل واستذارا=يشبة لريم(ن)مرتعة عشب الاقفار
وصلاة ربي عد رمل الزبارا=على النبي داس غبات الاخطار

من شريط أشعار الأمير راكان بن حثلين بصوت الرواية خالد العجمي


وسلامتكم