قصيدة بن شنار
في الدواسر واهل الافلاج
سلام يارجال تربوا بالافلاج = دار الكرم والعز والطيب والدين
شفنا الكرم بالعين ما عاد يحتاج = من أهل البلاد وعند كل العجالين
عز الله ان الضيف ما هو بمحتاج = كل الدواسر بالمراجل مربين
نعم الشيوخ اللي على الديرة سراج = ناس يعرفون الكرم والقوانين
تلقى الفرح والطيب مع كل الافواج = من جد جد وارثينه من سنين
اولاد زايد عد ماهوب رجراج = أهل الحمية والظفر في الميادين
تاريخهم يشهد على كل منهاج = عز وكرم مع كل الأفعال ذربين
وعدوهم وقت اللقاء ماله علاج = وافعالهم تشهد لهم في الدواوين
ليا صاح صياح به احراج وازعاج = فاولاد زايد ينطحون المعادين
ولي كبرت القالة ولا فيه مخراج = إستنجد ابن حزام في العسر واللين
وثلاب له في موقف العز معراج = درع الظفر والعز عيال العجالين
ليمن ذكرت أفعال مرضي وفلاج = وعبدالله المشهور عند السلاطين
بني شنار اللي لهم فعل وانتاج = اللي لهم عند المواقف عناوين
فكوا حسب يوم الموقف بها احراج = عدوا مع الستين للقصر ساطين
بقيادة المرحوم لطام الامواج = عبدالعزبز اللي سطا وانصر الدين
يالله يالمطلوب يا رب الافراج = تسقى غروس عندهم والبساتين
وصلوا عدد ما طاف بالبيت حجاج = صلوا على المختار وحنا مصلين