بسم الله الرحمن الرحيم
السلام عليكم ورحمة الله وبركاته
هذي محاوره جرت بيني وبين الشاعر : عبدالله بن مرضي الودعاني
إن شاء الله تحوز على رضاكم :
مسفر المصارير :
مرحـبـا ترحيـبـةٍ نـورهـا مـثــل الـقـمـر = با الرجال اهل الكرم والفخر والمرجلـه
مع هل الطالات والطيب يا محلا السهر = و الهـزيـلـه بـابـهـا لازم احـنــا نقـفـلـه
عبدالله بن مرضي الودعاني :
مرحبا واهلا هلابك عدد وبل المطـر= انت راعى الطيب ونا بعد مثلك هله
انصب اشراع السفينه ونطحها البحر = منك مبدى بدع الامثال والرد ازهلـه
مسفر المصارير :
البقا يا راعي الجود يا راع الظفـر = حر نسل احرار والعاليه هي منزله
أخر الاوقات حلو علينا اهـل الكفـر = الصغـيـر تيتـمـه والمسـالـم تقتـلـه
عبدالله بن مرضي الودعاني :
ماعليكم زود ياهل المعالـي والفخـر = منطقك خير الدلايل لو اسمك نجهلـه
وكل ما يجري لنا من قضاء رب البشر = وما يضر انا نفكـر بحـل المشكلـه
مسفر المصارير :
صاحبـك مـن لابـةٍ بالجمايـل تشتهـر = الحبيـبـي لابـتـي كــل جـــزلٍ تفـعـلـه
راحو رجال الشجاعه ابو بكر وعمر = فكرو ياهل الذكاء بجد في هالمسأله
عبدالله بن مرضي الودعاني :
والله ونعمين ياهل الشجاعه والصطر = دايم وقسومكم في المراجـل الاولـه
وعهد عمر ماصنع فيه صاروخ وهمر = وما يدمر فيه دولـه بحذفـة قنبلـه
مسفر المصارير :
لا متـى والكفـر حكمـه علينـا مستمـر = وينكم ياهـل الشيـم والفعـول المذهلـه
آه يا الفاروق ليتك تجي لو نص شهر = الطـريـق تمـهـده وكــل مـايـل تـعـدلـه
عبدالله بن مرضي الودعاني :
انت ما اخطيك لاكن لك والـي امـر = وتغضب الرحمان لامن طرالك تزعله
واطلب التوفيق لخطاه من رب البشر = واعلم انا نجهل بثقل حمـل ينقلـه
مسفر المصارير :
الله المعبـود لا تـاب لـه مسـلـم غـفـر = وكل تايب يا بن مرضي ترا الله يقبله
ليتكم تقـرون عـن معركـة أحـد وبـدر = فعلهم تضرب به اعظم واقسا الامثله
عبدالله بن مرضي الودعاني :
من يطيع الله ويطلبه في فجر وعصر = مستحيل يابعيـد الهقـاوي يخذلـه
في كلامك ياعميل الوفا عيد النظـر = يمكن ان تلقا الف عقده ومية معضله
مسفر المصارير :
يا أبـن مرضـي طالبـك طالبـك لـد النظـر = فا الرجال اللـي جميـع الجهـد هـي تبذلـه
صاحبك جاب الصحيح ما تلفلف و ابتكر = خــل عـنـك البلبـلـه خــل عـنــك البلـبـلـه
عبدالله بن مرضي الودعاني :
إلا انا اللي بطلبك تستريح من القشـر = وكان ما اجبت الطلب فأخذ يومك بأوله
خايف لايرغي الهرش ماعـاد يهـدر = ثم يناوه لا اختفى من العيون لمدهلـه
مسفر المصارير :
من عمل شرٍ جزا يا ولد مثله بشر = القشر يا صاحبي قل لنا وش دخله
شينها كان الرجل يا ولد عود بـزر = موجتك يا صاحبي كل شيٍ ترسلـه
عبدالله بن مرضي الودعاني :
صاحبي نبغاك تسند ورغبتك تحـدر = ومطلبك ماهوب وقته ولاهو منزلـه
والبزر عند امه ولا تجي حد الخطر = والبلا ان الارسال ما يفهمه مستقبله
مسفر المصارير :
صاحبك ماهو يحب الهـدم دوم يعمـر = وكل واحد هـو يجـازا علـى قـد عملـه
القدم يا صاحبي لا تدوس ابها الجمر = وكـل بـاب يـدل للخيـر حــاول تدخـلـه
عبدالله بن مرضي الودعاني :
طالت الدعـوى ولازم نعقـد المؤتمـر = كون منقوض من سنيـن نقـدر نفتلـه
والله يكفينا المشاكل وصكـات الدهـر = هات ما اعطاك الله من الشوريمكن نقبله
مسفر المصارير :
معك يا نسل المناعير يـا محـلا السمـر = والختم با الحـب لازم هـو اللـي نجعلـه
يا الله أنا نسألك با الرضا وطول العمر = والشعر لو له وسام أبن مرضي حصله
و تقبلوا تحياتي
أخوكم الشاعر : مسفر المصارير