[معلومات العضو عبدالرحمن النتيفات]

ياقلبي اللي من هوى البيض معتاذ = واليوم اشوف الوجد والشوق بـذه
حسبي على اللي للمواصيل جـذاذ = حبل الوصل من بيننا البعـد جـذه
يسقـي منـازل ليـن العـود رذاذ = يلقى بها ظبـي الطعاميـس لـذه
الصاحب اللي عن هوى القلب مالاذ = لاقلت دوك القلـب يازيـن غـذّه
ولانيب من هرجـه كثيـر وهـذاذّ = ماشاف فـي ليلـه نهـاره يهـذّه
عساك تأتي لي يابـو زيـد نفـاذ = قلب تحذى الشـور ياخـوك حـذه

خالد الفيصل

أسهر طوال الليل واغضي على الحاذ = وعن الصديق القلب ما فيـه شـذه
شكواك خلت بسـرة القلـب تخـاذ = ولا عاد في قلبي من الصبـر فـذّه
اللي يا بو بندر جعـل قلبـك افـلاذ = مشربك ياممـدوح الأفعـال عـذّه
طفل سهم عينـه بالاعمـاق نفـاذ = والحق عليـك بقـذة عقـب قـذّه
ان كان مالك فيـه مدخـل ومنفـاذ = له الشبك في مدهـل الصيـد بـذّه
وإليا دخل وسط الشبك يابن الافـذاذ = غوجك لساعـات المهمـات حـذّه

الامير محمد السديري