السلام عليكم ورحمة الله وبركاته
بدايةٍ احب ابرك لكم هذا الصرح الشامخ واللذي كنا نتمناه من زمان
وأشكر من قام بالأسهام في هذا الصرح
اول مشاركه لي
هي تقديم شاعر له مشاركات عديده بالمناسبات الوطنيه والمناسبات اللتي تهم قبيلته وهو شاعر تميز بأجادة كل أنواع الشعر سواء فصحى او نبطي او غيره
وله الفضل بعد الله في تجربتي الشعريه بالنصح والأرشاد فهو الأب الروحي لقصائدي
بحكم قرابتي له .
فهو جدي الشاعر عبدالرحمن بن حمد بن عبدالرحمن الحمادين الزمامي الدوسري
واطرح لكم قصيده له وسوف اطرح جميع قصائده انشاءالله فالقريب العاجل
صلوا عالنبي
3300FF
بديت بأسم اللي عيونه ماتنام=رب الخلايق عالمٍ بأحوالها
حنا هل التوحيد والراي السديد= هل ديرةٍ دون السما منزالها
أدعوا معي ثم آمنوا يامسلمين=ينصر حكومتنا ومن ولا آلها
الله يبقي قادة الأمة السنين= أشلا لشعب المملكه وأشلالها
تحت العلم الأخضر وقادة عادلين= شجره ظليله كلنا بظلالها
دستورنا تنزيل رب العالمين = والسنه السمحه على منوالها
الله يثبتنا على الخط القويم= في موقف تشيب منه أطفالها
عمر الفتى لو أن تطول أبه السنين= أن جته الأقدار ولا جالها
يأمة الأسلام حيا على الجهاد= خالد يرددها وفيصل قالها
مسرى رسول الله في حكم الطغاه= شلة بني صهيون زاد هبالها
عهدٍ علينا ياشهيد المسلمين= غايتك غايتنا وحن أبطالها
حتى ترفرف راية النصر المبين= على سما الأقصى ويهدى بالها
هذا وأنا ربعي قبيلة بينين= دواسرٍ عسى السعد يبرالها
منزالنا الوسطى وشرقٍ والجنوب =في ديرةٍ عم الرخا نزالها
وادي الدواسر والحسا وأرض البطين = وبلاد نجدٍ كلها مدهالها
ربعي هل العليا وعالين المقام =بيت الشرف بأعلى العلا يبنى لها
منزالنا دايم على راس السنام = ذا طبعنا من سابقات اجيالها
أهل الكرم والجود من عصر الجدود= تسوق في الماجوب جل أموالها
شرٍ على العدوان وعونٍ للرفيق= ضرب الهنادي في اللقا يحلالها
لطامة العايل وهيفٍ للسمين= والقوم تعرف من فعول أرجالها
حنا رجالٍ نقتني فعل الرجال= واللي يروم المرجله يسعى لها
ندرى من المنقود ونخاف الملام= ويستاهل العليا صبيٍ نالها
كلٍ على حقه ولا فيها ملام = كل العرب تبغي الستر لاحوالها