تتهمني زور وتحكي في قفايه=وش معك سويت حتى تتهمني!!؟؟
وشبلاك اشوف هرجك من ورايه=ونار هرجك بالمواجع حرقتني
ليه ماواجهتني بأصل الحكايه=ليه ترسل كلمة" زور" هجتني!!؟؟
للأسف صدقتّهم أهل الوشايه=وطعت هرج" في مضامينه بهتني
في زمن طوّل وطالت ذا الروايه=لا عملت الخير نيرانه كوتني
اشهد إني مخطي قبل البدايه=طيبتي ياللأسف وين أوصلتني
والله إني ماتبّدل عن وفايه=لو نواياي السليمه أهلكتني
عارف دايه وأنا أبخص في دوايه=عزتي لو جيت بأرجع لك عصتني
خل من غرّك يسرك بالنهايه=هرجته ماتهمني لو عذبتني