[معلومات العضو عبدالله الدوسري]

بين القلم و الحبر والسِّهْر والّليل=اودعت حالي للمواجع رهينه
الدمع حوّل من عيوني هماليل=من مجريات الوقت نفسي حزينه
لا صاحبٍ ينفع و لا باقيٍٍ حيل=عزّي لمن مثلي تردّت سنينه
يالله يا منشي حقوق المخاييل=يا مقدّرٍ ماكان زينه و شينه
انك توفقّني لدرب التساهيل=و انا بوجهك من حياة الغبينه
فرّج لمن صكّت عليه الغرابيل=في الّليلة الظلما طرح لك جبينه
لا جاء نهارِ يفصل العدل و الميل=كلّ يرى مسعاه قدّام عينه
تظلّني في ظلّ عرشك من الويل=لا من تبرّى المودمي من خدينه