السلام عليكم ورحمة الله وبركاته ،،
أنقل لكم أحدى المحاورات التي احتفت بالحماس بين
الشاعر/ نـاصـر الجعيدي الدوسري و الشاعر/ حـمـد العجمي
عسى أن تنال إعجابكم ،،
سلام من شاعر يجيب القاف=يتقن وزون الشعر وفنونه
له بين عشاق الشعر ميقاف=معروف منهاجه و مضمونه
يا مرحبا ترحيبة المشعاف=بالشاعر المعروف بلحونه
هاوي دروب العز له ميلاف=والناس من فعله يحبونه
وابك البقا وإعداد منهو طاف=يا شاعر(ن) كلمتك موزونه
يالدوسري يا بادي المشراف=الدار محميه و مامونه
شفت الكفر يطغوا على لسلاف=ورسامهم يرسم على شونه
ما حد يصدق كود من شاف=والدين يبغا ناس يحمونه
وقتك ضعيف اتضيع به العراف=راح الزمان اللي تخبرونه
ما دامها وصلت على الاشراف=أظن أن الأقدار ملعونه
مصيبة العراف جاف إخفاف=والمشكله بالحقد مقرونه
حثوا خطاويكم على المنكاف=المصطفى ياللي تعزونه
خل المعاني بين نون وكاف=والماء ترى العربان يردونه
حتى تعيش العمر دون إخلاف=والمنفلت يمشي على هونه
الوضع يطلب حضرتك لنصاف=خل العرب تشرب بماعونه
حملي وبشيله على الاكتاف=مهوب تفاحه و ليمونه
ما ني بلا قاضي و لا حلاف=والحل عند اللي يعرفونه
لو هي بيدي جيتهم قطاف=اقطف اعمار اللي يطروونه
من روس يام اللي لها مضياف=والمجد يا ذيبان ترقونه
خلافها فلا التقت لـ شناف= والجار والعاني تروفونه
والنعم بلي لاحشا ما خاف=حرابهم ما تغمض عيونه
والعلم في يد عالم وعراف=دام الخطأ عنا يردونه
صدقت في نطقك بدون إعجاف=العلم فيد اللي يحكمونه
اللي هجد من فعله الخطاف=والخصم يرضخ راسه لعونه
وسلامتكم ،، مع خالص التحية والاحترام.