[معلومات العضو ابن وتيد السباعي]

حنيني حنين مصـدرن والهـوى قافيـه=معـا لاهـب الكنـه تـولاَه جهـالـي
يصيح النذير وسايـق المـور مايوحيـه=ولاساق في مشراه مـن جيبـه ريالـي
تعرض عروض النفد ودريولـه كاويـه=يراوز مـذب العـرق حاديـه هيالـي
تجمَـل وبلَـغ ناعـم العـود ياناصيـه=وليفن دنـا مـن حـر فرقـاه غربالـي
وقللَه عيونـي تسهـر الليـل ماتمسيـه=عطيب الضميرأصبح وليلي على حالـي
وقلبي كما قدرن شبوب الغضـا حاديـه=قفته الهبـوب وجـال ضـوَه تشيعالـي
على الصاحب اللي طال وقتي ونا راجيه=كما يرجي العطشان له شربـة زلالـي
يسلهم بسودن تسلب العقل مـن قاصيـه=كسا وجنته من رمشها فـي وضلالـي
ليامن بدى لحدن لزومـن لهـم نقضيـه=ونا لابدالـي لازمـن كـون يقضالـي
اعزَه وقـدر مـن يعـزَه ومـن يغليـه=وداري هله ورخص على شأنه الغالـي
حلفت ان صفالي صافي اللون لصافيـه=ولا اخون به لين أبيض الخام يشرالـي
مجيِي نقي العرض حقـن علـي بديـه=ولاكن خايف هرجـة النـاس الانذالـي
ملاقيف ناسـن تنقـل الهـرج وتوديـه=يعيلـون بالفرقـا عسـى مالهـم تالـي

احترت في اختيار بيت القصيده

والله قصيده جزله ذات الفظ بدويه ومعاني قويه ووصف اقوى

في الحقيقه لا يقول مثل هذه القصيده الا شاعر فحل

صح لسانك ولسان الشاعر الكبير / بن قحيفان الخضراني


العضو المنتدب لك كل الشكر والاحترام

ولي طلب يالنشمي انك تزودنا بقصائد هذا الشاعر ولا تهون

وانت عضو مميز نتشرف بوجوده بينناً في منتدى قبيله الدواسر الرسمي