[معلومات العضو ابو زيد الغييثي]

أبشر بها في وقتها لا عدمناك = لو كان مبطي ما نظمت القصايد
الشعر وهبة مجري(ن) كل الأفلاك = أحدن عطاه كثْير واحد(ن) شرايد
وابشرّك قسمي ومثلي وشرواك = فالشعر دايم نادرات الفرايد
لكن لي مدة عسى الله يرعاك = عن كل مايكتب بعيد(ن) إمحايد
أبعدت عن ذولا وهمّلت ذولاك = ووسدّت راسي من زيان الوسايد
الوضع ياذيبان ماهوب يخفاك = ومثلك رزين وعاشق(ن) للفوايد
بعض الأماكن صارت إزعاج وعراك = ما من وراها إلا البلا والنقايد
تلقابها منافق وكاذب ونمّـاك = ويا قل والله صادقين الوعايد
ناس(ن) على درب البشر تزرع أشواك = وتفرح ليا صادك من الشر صايد
أبعدت عنهم ياعسى الله يرعاك = وعن كل مايكتب بعيد(ن) إمحايد

الشــــــــــــاعــر المبدع / راشـــــــد المسعري ((بوعبدالمحسن))


حي الرجال وحي ماجاب مبدع في كل ماتعنيه الكلمه

انت حقاً احد عمالقة الشعر الذين نبحث دائماً وابداً

عن المميز والجديد في ابياته الجزله

وقد ابدعت في هذه الابيات التي تستحق كل منها ان تكتب بماء الذهب

((بعض الأماكن صارت إزعاج وعراك = ما من وراها إلا البلا والنقايد
تلقابها منافق وكاذب ونمّـاك = ويا قل والله صادقين الوعايد
ناس(ن) على درب البشر تزرع أشواك = وتفرح ليا صادك من الشر صايد
أبعدت عنهم ياعسى الله يرعاك = وعن كل مايكتب بعيد(ن) إمحايد ))

وتقبل مروري المتواضع امام مقامك الكريم


محبك ومغليك بالحيل

ابو زيد الغييثي