[معلومات العضو عبدالرحمن الشرافي]

بسم الله والصلاة والسلام على رسول الله




اخواني الكرام,,,




أضع بين ايديكم هذه القصيدة للشاعر الكبير/ ملفي المورقي العتيبي

حيث القاها ترحيب بقبيلة الدواسر .. في حفل قبيلة عتيبة بمناسبة (( فك رقبة محمد بن فهد الصخيبري الدوسري بعد ان دفع الدواسر لوالد المقتول 25 مليون كــديّة ))

يقول فيها :

يا مرحبا في مرحبـا بالدواسـر=حياكم الله في ضيافـة هـوازن
أهل المكارم في ليـال المعاسـر=يومن ما يوجـد مـوارد اوازن
واليوم يوم الخير راهي وياسـر=نفحة مكارمهم تفـض المخـازن
ويوم الجزيرة بين رابح وخاسر=من المشاكل واختـلال التـوازن
حفنا مثاني نجد مثـل الكواسـر=على ظهور اللي بهلهن تنـازن
وحدن تيامن عنه واحداً تياسـر=خضناه يوم اجموع الابطال حازن
وشيوخنا في الحرب تعتق وتاسر=تاريخنا في نجد مالـه مـوازن
وانتم بعد ما تحبـون المخاسـر=مداتكم في الوقت تجلا المحـازن
اهل المحامر طيبيـن المكاسـر=المنفقين إليا خزن كـل خـازن
ويومنها من بين هايب وجاسـر=وقفاتكم مثل الجبـال الـروازن
وطريحكم من عينه الطير تاسـر=وفيه الظواري ربعن لين جـازن
تاريخكم عملاق ماهـوب كاسـر=وامجادكم في كل الأحوال فـازن

وسلامتكم ,,,


أخوكم / عبدالرحمن بن سالم الشرافي