[معلومات العضو يحيى الودعاني]

	بسم الله الرحمن الرحيم *********(( ياراكب اللي لدبل صاج بنزينه ))**************** ********الشاعر / متعب بن محمد آل نشير آل عمار ************* يا الله يا عدال كفة موازينه = يا محصي خلقه علي أجناس واصنافي يا كاتب الأرزاق ما غمضت عينه = ويا مبصر يعقوب عقب العمى شافي ويا ملبس الأرض عقب المحل زينة = ويا عالم الجهر والسر والخافي ويا مرسل المبعوث بكتابه ودينه = ومرسي سفينة نوح من فوق الأسيافي تكافي غثا اللي جملة الناس مغرينه = واللي يزور الدار بيشوف ما عافي يا راكب اللي لدبل صاج بنزينه = يشادي الطير زاعم رأس مشرافي لجاء مع جو ٍ بعيد ٍ شياطينه = يطرب لزملوقه من الزهر وزافي يرعاه قطعان شتاوي حوارنيه = مداهيلها لجاء ربيع ومصيافي يازين شوف مثالث فيه بانينه = وربعته ما تحجب عن الضيف واللافي سلم على اللي مرفق الدار حامينه = وقل داركم جاها ضفيري وعسافي وعلى اللي هله على المراجل مضرينه = ويشيل حمل الثقل وإن قام ينشافي كم خايع قفر من الخوف راعينه = ويبرا لها سلف وخيل وهدافي الأوايل من الحف الموالي معفينه = وبيوتهم تبنى على راس ما نافي وطريقهم في السلم والحرب مروينه = ومن حفنا نروي محاديب أرهافي يازين رد الفعل في وقته وحينه = كلُ يعرف إن المواقف لها قافي والجهل لجاء بعض الأوقات يا زينه = وطارت العرب والسلم جاهل وعرافي لأم الشوك نبت اليوم في غافة وتينه = والغاف لو ينبت بشوك فهو غافي وكم واحد يرعا وبالفعل راعينه = والله يعز اللي لنا ظلهم ضافي آلا ياعيون اللي يصف بجناحيه = ريميه تقطف زماليق الأطرافي اللي يخون بدريته لا تعشقينه = ولا تعشقين النذل يازين الأوصافي ومن خان في ربعه وداره تعيفينه = ترى طيره الميكار ما تعشق الهافي مختارات من أشعار وقصص آل عمار الدواسر تأليف وجمع متعب بن محمد بن فرحان آل عمار الدوسري استغر الله سبحان الله و بحمده سبحان الله العظيم