[معلومات العضو ابو زابن المسعري]

المشاركة الأصلية كتبت بواسطة سلطان بن دخيل الله

بيض الله وجهك ورحم الله والديك

يابوزابن

عزالله انه علم غانم وانت راعيه

وصح السان الشاعر السبيعي

وماعليهم زود

وتقبل مني يابن عمي هالابيات
لوالدي مدح بالمساعره
جزء من قصيده اهداء خاص

اولاد مسعـر يـوم زرق السهومـي=تكسر بروس حرابهـا كـل حـراب
ياماعلى العـدوان شنـوا هجومـي=في غـارة تشبـه لبوزيـد وذيـاب
خطـلان ليـدي للمراجـل تسومـي=تشري الفخر لوكان في قطع الارقاب
من شافهم حتـى بطيـف الحلومـي=يجض جضة من وطة رجله الـداب
وحريبهـم بامـرالالـه مهـزومـي=اللـي بنصـره للمخاليـق وهـاب
من يشتكـي ميـل الدهروالهمومـي=يعنز الدار حدهـا العـرق وهضـاب
بيـن النفـود ونأيفـات الخشومـي=دار القويد مطوعة روس الاصعـاب
يرقـد بهـا اللـي ساهرمأينومـي=ويامن بهـا ماكنـه يطلبـه طـلاب
حطوا لها جدع الجماجـم رسومـي=جيلا بعـد جيـلا شبابـا وشيـاب
وقوز الشريف اكبر دليـل العلومـي=وقـولا بـلا فعـلا يقولـون كـذاب
وجوب الجفير اللي له العـز يومـي=وغيره ولو عديت ماقطب لها احساب
داربغـيـر ارجالـهـا ماتـدومـي=عننيمة يطمـع بهـا كـل كسـاب
دون الغروس وضافيـات الهدومـي=شلفا علـى خيـلا وللخيـل ركـاب
خيلا تحـط صفـوف لعـدا ثلومـي=وان لحقت المقفي سريعات الاطلاب
حدرالرجـال اللـي تسـد اللزومـي=اللـي علـى نطـح الطوابيـر دراب
يوم الثميدي مثـل وبـل الغيومـي=بردى قنيفـا ينثـر الوبـل صبـاب
كم مـن يديهـم طايحـا مأيقومـي=من ضرب حدب مصقل الهند وحراب
وحدبا تلامع مثـل لمـع النجومـي=بغدرى ضلامـا ليلهـا والقمرغـاب
وصلاة ربـي عـد وبـل الغيومـي=على الرسول اعداد ماخـط بكتـاب

اخوك المحب لك في الله:سلطان ابن دخيل الله ابن محمد الشكره

الاخ العزيز الغالي سلطان
اهدائك على العين والراس
ووالله انه اغلى هديه
ليه؟
لانها من شاعر الشكره الشاعر دخيل الله رحمة الله عليه
ولانها مدح في ربعي المساعره
اقول جعلك تسلم وجعلك تدوم ويفدونك الرخوم وبيض الله وجهك
اخووووووووووك ومحبك
ابو زابن