[معلومات العضو راشد المسعري]

أبو زايد التغلبي:

لاجاك مني كلمـة(ن) ولّـع باشـارات الخطـر=اعرف من اللي قدم عينك وانت سيـد العارفيـن
يالمسعري كثر السوالـف مايجـي منهـا ثمـر=وين الفعل .. وين الفعل.. ياراعي الحكي السمين

المسعري:-

فعلي تشوفه كل يوم و كل نصف من شهر=اصد هجمات العداء لاجاو داري طامعين
ولا انت لامنا نشدنا عنك قالوا في سفـر=راحت حياته في سفر يالله على الدنيا تعين

أبوزايد التغلبي:-

مادام فعلك واضح(ن) وين أنت من حاكم قطر؟=اللي خذا خيرة حلالك فـي بـلاد المسلميـن
لو كنتنا حاضر نزل من صافي الغيمـة مطـر=لكن غيابي عذر من بيـن الرجـال الغانميـن

المسعري:-

انا سعودي واعتبر وآخذ من دروس العبر=ولاراح حقي يابن تغلب من قديمات السنين
انته تمناها على كيفك ولـو كانـت جبـر=لاكن درجها على درب الرجال الصالحين