[معلومات العضو عبدالله الدوسري]

مرثية في المرحوم/ فايز الشرفي و الذي إنتقل إلى جوار ربه يوم الخميس 8 رمضان غفر الله له و أسكنه فسيح جناته.

سبقنا على الجنّه عساها تجي مثواه=بحول الكريم اللي عطاياه جزلاتي
بشهر الصيام و موكلٍ للولي رجواه=قضى الليل ساجد ما قضاها بحفلاتي
عزيزٍ نعزّه ما بعد ملّ من خاواه=بشوشٍ هشوشٍ له مع الطيب فلاّتي
هذاك الشّرافي فايزٍ ما قصدت سواه=ابو سعد له منّي بياض السجّلاتي
أنا بأشهد إنه ينفقد مثله و شرواه=عوينٍ لرّبعه في الأمور المِجِلاّتي
ألا يا فهد صبرك على الدّاء تراه دواه=و ترى دومة الحاله من المستحيلاتي
عسى شايبك حوض النّبي عِدّه و مرواه=إلا جاء نهارٍ فيه طلعه و نزلاتي
و هذ زمانٍ ما حدٍ سالمٍ بلواه=تدور الّليالي و المقادير عجلاتي