لي مداخله أختي وهو
ما قيل في الذيب في القصائد النبطيه :
بقول بن خرصان :
تخاويت أنا والذيب سرحان = دعيته بأمان الله وجانـي
لقيته خوى يقضي الشـان = ندبته على المرقب شفاني
يقول شالح بن هدلان :
يا ذيب انا بوصيك لا تاكل الذيب =كم ليلة عشاك عقـب المجاعـه
كم ليلة عشاك حرش العراقيـب=وكم شيخ قوم كزته لك ذراعـه
يقول الشريف بركات في وصيتة الشهيره :
ذيب وان جتك الغنم في مفاليك=فاكمن الى حيث الرعايـا اتعـداك
من اول يا ذيب تفـرس ابياديـك = واليوم جا ذيب عن الفرس عداك
يا ذيب عاهدني واعاهدك ما رميك=ما رميك انا يا ذيب لو زان مرماك
ويقول آخر :
ذيب ياللي جر صوت عوى بـه = ما ادري ظما والا من الجوع يا ذيب
يا ذيب لا تطـردك عنـا المهابـه = طرش العرب بالبر كلـه عوازيـب
وأيــضا ً :
يا ذيب وش علّمك تهيض السانى =بعواك يوم ان المخاليق غافيـن
ياذيب حسّك فى منامـى شعانـى =لولا الحيا جاوبت صوتك بصوتين
وايضا ً هذه الابيات من أحدى القصص الشهيره في بادية الاردن :
يا ذيـب يا للي تالـي الليـل عويـت= ثلاث عوياتـن على سـاق وصـلاب
سايلـك بالله عقبـها ويـش سويـت=يوم الثـريا راوسـت القمـر غـاب
وهذه ايضا ً قصيدة بدر الخالدي في الذيب اللتي القاها امام لجنه شاعر المليون :
البارحه والجوع مس الذيب يـوم انـه يعـوي=علـى سنـام طويـق والقمـره وراه بليتـهـا
اخايلـه واقـول واعـزي لحـالـك يالـقـوي=اللي تنقى في سمـان الفطـح لا مـن جيتهـا
واللي باساميك يتقلدهـا الخـوي مـع الخـوي=والعـرب تبديـك التحايـا وانـت مـا حييتهـا
واسمك على النخوه يعد وكل روس(ن) تشتـوي=والوجبـه الحيـه تعشاهـا وتتـرك ميتـهـا
الجوع لو يدفعـك للمـوت الذحـاح المستـوي=حشمت نفسك عـن عظـام الحرجـه وخليتهـا
ودامك طليق(ن) ما قهرك المعتـدي والمهتـوي=وخطاك من دون المغـازي مـا بعـد سجيتهـا
يا ذيب يا ذيب الخلا اللي ليلك يـروح سـروي=مـا بيـن مرحـان الشواويـه ليـا عشيتهـا
يا موجل(ن) قلب حضري يا موجل(ن) قلب بدوي=ياللـي تشيّـم خـوة الرجليـه ان خاويتـهـا
عامل خوي الذيب في عصر الفـوات المنطـوي=وقصتك فـآذان العـرب واليـا طـرت لبيتهـا
نحر ذلول(ن) من وصايفهـا شحمهـا مرتـوي=لعيـون خوتـك الفريـده والبقـا فـي صيتهـا
يـا ذيـب يكوينـي قنيبـك لا توحّيتـه كـوي=على غشاش الكبـد والخطـوه عمـد رديتهـا
مدري غبى مدري ذكى مدري تسرع فوضـوي=لكن خطواتي علـى الهيبـه مـا قـد ضريتهـا
ياذيب عزك في زمان السيف من قبـل يهـوي=وقبـل زمـان العولمـه للنـاس وآتيكيتـهـا
وقبل يغيب المنطق الحسـي ويبقـى المعنـوي=والغيـره تـوزع تجمّعهـا عـلـى تشتيتـهـا
وقبـل النوايـا المستقيمـه ماتعـاج وتلتـوي=والناس تمشي فـي تعاملهـا حسـب توقيتهـا
يا ذيب مدري كيف ابوصف حالتـك يالمنـزوي=والهاشميـه فـي طـرف عينـي ولا دنيتـهـا
لا جيث ابرثي حالتـك ضـاع الكـلام اللغـوي=والمفـردات اللـي تجملنـي لـيـا عديتـهـا
والهاجس اللي كل مـا فليـت حويـه ينحـوي=وافكـاري اللـي تتعـب الخافـق ليـا هليتهـا
واخـاف لا تكمـل وينحـاك النزيـف الدمـوي=وابقى علـى قـول المثـل خميتهـا واخطيتهـا
ياذيب واقنب خـل صوتـك يـدوي العالـم دوي=مـادام خانتـك الظـروف الله يخـرب بيتـهـا
ويقول خلف بن هذال :
ذيـب لاتجـذب علـي الذيابـه =حول وأنا بأبدي على الرجم يا ذيب
يا ذيب أنـا لـي وقفـةٍ وانقلابـه =رجلي مضريّها بروس المراقيـب
الذيب خاوى من عصور الصحابـه =له خوةٍ تصدق مع أهل المواجيـب
وايضا ً هذا بيت الحكمه السائر :
الحر الاشقر برقعوه السلاطيـن =وذيب الغداري كسر الوقت نابه
أخوكمـ / ابو زيد