قرأت هذه القصيدة في احد المنتديات واعجبتني وحبيت انقلها لكم ارجوا ان تعجبكم
تفنن في غياباتك وعلمني بتغيب شلون
ابي اعرف وش ابعد شي بتوصله في صداتك
ابيك تروح وتتغلى تزود في قليبي طعون
وابي تطعني لو مرره واجرب كيـــف طعنـــاتك
ابي افهم اساليبك من اللي بالسهوله يخون
وابي اعرف حدودك وين اذا طــــــــولت غيباتك
انا اتحداك تنساني وتوك ياالغلا صغيرون
ترى بدري على مثلك تهددنـــــــي بنظـــــراتك
تحسب اني ابتالم وببكي واشتكي واهون
ترى عادي ولا تفرق تجي ولا بسلاماتـــــــــــك
انا ماكنت احسب انك من الناس اللي مايسون
وكنت اغليك واحبك ولا عديت زلاتك
عطيتك حب ما يسواه لا واحد ولا مليووووون
عطيتك حب تحلم به من اول في خيالاتك
عشقتك جد من قلبي وصرت العاشق المجنون
وبعت الدنيا لعيونك وكنت افرح لضحكاتك
وجا دوري وأقولك بس حلفت برب هذا الكون
لا اخلي (دمعتــــــك حمــــرا) ويستمتع بااهاتك
بذوقك الألم طعمه وأعلمك القهر وشلون
بخلي (عيشتـــــك سودا) بتلعن نفسك وذاتك
أبضحك يوم تتألم وكل الناس يشوفون
جراحك كيف تنزفها و(بتسلي بجراحاتـــــك)