السلام عليكم ورحمةالله وبركاته
هذه القصيده للشاعر \ قريم الدوسري يثني على الشيخ \ خليل بن حاكم المهيد
بعد أن جاء وافدا علي الشيخ خليل وامضى في مضيفه فتره من الزمن يتحين الفرصة لعله يسأله وفي
أحد الأيام حصل نقاش علي قصيدة الشيخ راكان بن حثلين التي منها قوله: ما قل دل وزبدة الهرج
نيشان...والهرج يكفي صامله عن كثيره
فااغتنم الفرصه قريم خلال هذه المناقشه واستأذن من الشيخ خليل وقال
يـا الله طلبتـك يامديـر الهبايـب = يارافي الخمـلات حنـا برجـواك
تفرج لمن كثرت عليـه المصايـب = ياغافرالزلات يامجـري الأفـلاك
وخلاف ذا شديت عوص النجايـب = أنصا الشيوخ البينه عقب مانصـاك
خليل يا أبن مهيـد جنـك ركايـب = ركايب مـن ديـرة البعـد تلفـاك
ركايـب ماشدهـن كـل خـايـب = ولاظن ينصن غيرمثلك وشـرواك
صاعك كبيـر وتحتمـل للنوايـب = ياراعي العليا عسى الـرب ياقـاك
شيخ ولد شيـخ علومـك عجايـب = وأنت الجواد اللي كبـار عطايـاك
جدك مصـوت بالعشـا باجذايـب = في نجد ماعينت مثلـك وشـرواك
ما قل دل وزبدت الهـرج صايـب = والهرج يكفي صامله دوم عن ذاك
الدوسري قـال العلـوم الغرايـب = مخطاك ماصابك وماصاب ماخطاك
وصلاة ربي عد مـزن السحايـب = واعداد بدو زوعوا فـي هدايـاك
وسلامتكم وتعيشون
...