لي هامةٍ ماهي مثـل كـل هامـه=ولي كلمةٍ لا قلتها مـا تجـي زور
عند الثريـا لـو خذتـك اللئامـة=متوشحه ثوبٍ من العـز مستـور
الله عطانـي بالحيـاة استقـامـة=ستر وغطى عن كل فاجر ومغرور
ياللي رصيدك بالحيـاة الوسامـه=ما للمكـارم فـي تفاصيلكـم دور
كل ما انحنت في درب الايام قامه=طاحت وحطينا لها قبر وازهـور
اللي عرفنا مقصـده مـن كلامـه=واللي عرفنا مقصده قبل لايخـور
ومن زود صدقي بالمثل واهتمامـه=ما تنبني دارٍ على سـاس منخـور