البارحـه والجـوع مـس الذيـب يــوم انــه يـعـوي = عـلــى سـنــام طـويــق والـقـمـرى وراه بليـتـهـا
اخـايـلـه واقــــول واعــــزي لـحـالــك يـالـقــوي=الـلـي تنـقـى فــي سـمـان الفـطـح لا مــن جيتـهـا
والـلـي باسامـيـك يتقلـدهـا الـخـوي مــع الـخـوي=.والـعـرب تـبـديـك التـحـايـا وانـــت مـــا حييـتـهـا
واسمك على النخوه يعـد وكـل روس(ن) تشتـوي=والـوجـبــه الـحـيــه تـعـشـاهـا وتــتــرك مـيـتـهـا
الـجـوع لــو يدفـعـك للـمـوت الـذحـاح المسـتـوي=حشـمـت نفـسـك عــن عـظـام الحـرجـه وخليتـهـا
ودامـك طليـق(ن) مـا قهـرك المعتـدي والمهتـوي=وخـطـاك مــن دون المـغـازي مــا بـعـد سجيتـهـا
يا ذيب يـا ذيـب الخـلا اللـي ليلـك يـروح سـروي=مـــا بـيــن مـرحــان الـشـواويـه لـيــا عشـيـتـهـا
يا موجل(ن) قلب حضري يا موجل(ن) قلب بدوي=يـالـلـي تـشـيّــم خــــوة الـرجـلـيـه ان خـاويـتـهـا
عامل خـوي الذيـب فـي عصـر الفـوات المنطـوي=وقصـتـك فــآذان الـعـرب والـيــا طـــرت لبيـتـهـا
نحـر ذلـول(ن) مـن وصايفـهـا شحمـهـا مـرتـوي=لعـيـون خـوتـك الـفـريـده والـبـقـا فـــي صيـتـهـا
يـــا ذيـــب يكـويـنـي قنـيـبـك لا توحّـيـتـه كـــوي=عـلـى غـشـاش الكـبـد والخـطـوه عـمـد رديـتـهـا
مدري غبى مـدري ذكـى مـدري تسـرع فوضـوي=لـكـن خطـواتـي عـلـى الهيـبـه مــا قــد ضريتـهـا
ياذيـب عـزك فـي زمـان السيـف مـن قبـل يهـوي=وقـبــل زمــــان الـعـولـمـه لـلـنــاس وآتيكـيـتـهـا
وقبـل يغيـب المنـطـق الحـسـي ويبـقـى المعـنـوي=والـغـيـره تــــوزع تجـمّـعـهـا عــلــى تشتـيـتـهـا
وقـبــل الـنـوايـا المستقـيـمـه مـاتـعـاج وتـلـتـوي=والـنـاس تمـشـي فــي تعاملـهـا حـسـب توقيـتـهـا
يا ذيـب مـدري كيـف ابوصـف حالتـك يالمنـزوي=والهاشـمـيـه فـــي طـــرف عـيـنــي ولا دنـيـتـهـا
لا جـيـث ابـرثـي حالـتـك ضــاع الـكـلام الـلـغـوي=والـمـفــردات الــلــي تجـمـلـنـي لــيــا عـديـتـهــا
والهاجـس الـلـي كــل مــا فلـيـت حـويـه ينـحـوي=وافـكـاري الـلــي تـتـعـب الـخـافـق لـيــا هليـتـهـا
واخــاف لا تـكـمـل ويـنـحـاك الـنـزيـف الـدمــوي=وابـقـى عـلـى قــول المـثـل خميـتـهـا واخطيـتـهـا
ياذيـب واقنـب خــل صـوتـك يــدوي العـالـم دوي=مـــادام خـانـتـك الـظــروف الله يـخــرب بـيـتـهـا