[معلومات العضو ابومبارك الودعاني]

قصيده للشا عر\ را شد بن نا صر بن صقر ا لودعا ني ا لدوسري

قل يامل قلبآ زاع ماهوب يلآم = زوع الوحش لامن انطلق من جريره
لاقالو الوسمي من الشرق للشام = عشرين يوم ماتقطع غثيره
زان الربيع وربعت في الآنعام = وزاف النفل في فيضة مستديره
وانا على بابي كما راعي الزام = حارس دفاع والمداخل خطيره
يابن آدم انظر في اليالي والآيام = تمر واجلك ما دريت بمصيره
واول حياتك ترفع الروح قدام = وآخر حياتك جات هم وحيره
لابد يقصر مصيرك بالآقدام = من عقب منت تروح في كل ديره
وتعد الآشهر كل عام وراعام = تطاول الدنياوهي لك قصيره
اصبر بحكم الله والله له احكام = واجعل صيامك مع صلاتك ذخيره
لابد ما ياتياك بائع وسوام = لاعد لك حيله ولابه بصيره
ماعاد تملك كون سبع من الخام = ماعاد لك مال ولااهل وعشيره
على النبي منا صلاة وسلام = ونمشي بذكر الله مع كل سيره