ماهو خطأ إنك تحسب المخاسير=الأغنيا ماهي سوى والفقارى
إهدر جمل 00من قبل مايرغي بعير=إثبت جبل00 مازعزك من تدارى
انا خوي الذيب 00ربعي مناعير=ربعي مطانيخٍ وربعي بطارى
هامور واتحدا كبير الهوامير=طابور تتبعني جموع الأسارى
صقّار ماغارت معاه الصقاقير=لو هدها افنت فصيل الحبارى
مير القوافي غردت والعصافير=السكرّه ونجود دمعة حيارى
داب وحمامه تصطفق داخل البير=المعركه مره ومره تتارى
ماهوب أنا 00الي تستميله دنانير=ماهيب هي00 مالي ومال الطفارى
ماهوب انا الي تستفزّه شعاعير=ماهوب هم00 ولا اتخذته شعارى
مرت سنين عجاف ماتذكر بخير=وانا احمد الله واشكره ما توارى
اكبر خطأ لو ماحسبت المخاسير=مثلك حسبته راس مال الفقارى