[معلومات العضو مطلق ا لمخاريم]

بسم الله الرحمن الرحيم

هذه اولى قصائدي في منتدى الدواسر الرسمي وآمل أن تنال اعجاب الجميع :



فزيت من نومي ضايق ومفزوع . . . . يالله عسى حلم ن لفاني لفاهم

حلمت في جيش ن مع درب مزروع . . . . يمشي وياكل الارض بليا تفاهم

قدامهم قايد له السمع والطوع . . . . و الخلف شايب ماسك ن في ذراهم

و الجيش يمشي لا سلاح ن ولا دروع . . . . سبحان رب ن ماسك ماعطاهم

ناديت فيهم بعالي الصوت مسموع . . . . محد ن عطاني وجه وذا من رداهم

روحت للشايب ولي حق مشروع . . . . انه يجاوبني وش اللي بلاهم

يا عود قلي ويش هذيك لجموع . . . . وين العرب تمشي من اللي غزاهم

يا عود لك قدر ومكان ن ومرفوع . . . . مكانك الاول لا تدور رضاهم

قال الزمن يا ابوك طامع ومطموع . . . . ما يعرف يقدر كبير علاهم

قال لي وهو يبكي وبه بعض لدموع . . . . شفني كبير القوم شفني وراهم

من بعدها كني على الراس مصقوع . . . . قال امش يا وليدي مع الناس ساهم

قلت اعوذ بالله اني اصير تابوع . . . . لا نيب لا معكم ولاني معاهم

وراحوا وانا كني على الوجه ملفوع . . . . لين اختفوا من شوف عين تراهم

وسلامتكم . . .