[معلومات العضو ناجي الشكري]

يـا بنـت لا صـارت النيـات مخفيّـه = ما عاد جا للسبايـب و العـذر داعـي
دام الطعـون القويـه جـت علانـيّـه = ما عـاد ينفـع يمينـي قـوة أذراعـي
تحليل وضعي معتس ميّـه علـى ميّـه = من كل جرحن شكل و أصناف و أنواعي
لو العلاقه معتـس سطحـي و سطحيّـه= ما كان شرهة خفوقي تتعـب أدماعـي
يعني أبـي عـذر و الطعنـات منسيّـه = بس أقنيعينـي بحاجـة تجبـر أقناعـي
قصّرت .. خوّنت .. لا هاذي و ألا ذيّه= كذّبت .. غشّيت .. لا والله عليّ راعـي
جيتس بصدق الوفـا و أشيـاء عفويّـه = و طموح أصعب علي من حبة أكواعـي
عطينـي الفـرق و الأوضـاع عاديّـه = جمال .. و ألا نسـب .. و ألا تمتاعـي
أن كانهـا بالحـلا .. وهبـه الاهـيّـه = و أنا أحمد الله قنوع بكـل الأوضاعـي
و أن كانها بالنسـب .. و ألا حراويّـه= ما نيب شاوي عرب و ألا ولـد راعـي
من روس قومٍ ليـا مـن شانـت النيّـه= شفـت التفرقـاع لعيـون التجمـاعـي
أمـا تجينـي وفـا .. و الجيّـه الجيّـه = و ألا فراق و عزيز و يشفي أوجاعـي

أخوكم : ناصر بن مناحي الدوسري