بسم الله الرحمن الرحيم
مساكم الله بالخير
هذي القصيده وجدتها مؤخراً في احد مقاطع الجوال المنتشره بالبلوتوث وهي بصوت الشاعر ناجي البياع في مدح الامير الشيخ فراج بن عبدالله بن هقشه وقد نقلتها من الجوال وكتبتها لكم
الـبـدايــــه بـاســـم ربــي إلـــه الـعـالــمـيــــن=مـارجـيـنـا غـيـره أحـــد ولا نـعـبـد سواه
ياهـواجـيـسـي تــدري وبـالــك تـجـهـلـيــــن=لا تـقـولـيــن الا كــلام يـشـجـع مـن قراه
اعتليت بعالي الرجم في العصـر المكـيـن=وخـيـلـت سـحـب القصايد وعديت بحجاه
شاعر وأبني وساس البنا ماهوب طيــن=ومـن تـردى سـاس مـبـنـاه كـنـه مـابناه
السكات أحيان عـيب على الرجل الفطين=والكـلام أحـيـان عـيـب على من هو حكاه
عـقـبـها حضـرت فـكـري وأنـا قلبـي ذهيـن=كل علم عارف مبتداه ومــنــتــهــاه
بنت يـاللي تعشقين الرجال الطيبين=اعـشقـي من هو فعولـه تـبـيـن مـسـتـواه
بـيـض الله وجــه فـراج ســاس الـغـانـمـيـــن=يـفعل الـمعروف دايم ولا يـطلب جزاه
كل وقت مناسبه يـمـنـا سـاق الـسـمـيـــن=طـال عـمـر الشـيـخ والله يـمـده مـن سـمـاه
ابــن هـقـشـــه وافـيٍ من جدوده الاولين=شيخته من سكتين ولا يلحق مــداه
شـيـخته متقدمـه مـاتـرجـى مـصـوتـيـــن=وأهـلـتــه فـعـول جـدانــه الـلــي مــن وراه
مـا خـذاهـا بـالـوساطه مـع الـلي فازعين=ومـن عصور الترك وشدادهم محدٍ خـذاه
موصي عياله على الطيـب من طول السنيـن=والحرار بطبعها مـاتـبـي مـنـك وصـاه
والله اني لـلمطاليق ملزوم بدين=وعقب اللي يجحد الطيـب لامنـه لقـاه
الـرجـال الـطـيـبــه فــي مـواقـفـها تـبــيــن=والـردي مـا فـيـه خيـر ولا أحـد فـي رجـاه
لا بـخـل خـطـوا جـبـان وهو من الاقربين=الـردي مـا سـر نـفســه ولا ســر أقـربــاه
جعل مال اللاش يقسـم على اللي وارثين=سـاعـة ما أمـداه يوصـي ولا سجل وصـاه
الـمـراجـل تـبغي العزم والضلع المتـين=ومن تردى سـاس جــده يـعــود لــه رداه
والله انا ما شرهنا على الـلي سـافـلـيــن=والـردي مـن عـادتـه مـا يجـي عنده شفـاه
أحـمـدالله بـألف خير ولا نـيـب أسـتـعـيــن=ومـن يـفـصـل ثـوب لابـد يــوم ٍ اكـتـســاه
مير تـعـجـبـني الهقاوي من اللي طيبـيـن=والـكـرم والجـود عسرٍ على من هـو بغـاه
وتقبلوا تحياتي