[معلومات العضو شافي القويسي المخاريم]

لـيال الـشدايد لاقـست مـثل حـد iiالموس = تـخـلي سـلـيم الـعقل والـقلب iiيـرتابي
ومـنها فـوايد تـظهر الـواقع iiالـملموس = وتـعلَم لـبيب الـقلب عـن سـرَها الغابي
فـأنا أخـذيت من سود الليالي عبر iiودروس = وسـجَلتها عـندي عـلى صـفحة iiإكـتابي
بـعد مـاكشر وجه الزمن وأظهر iiالمدسوس = عـرفت وفـهمت الفرق من بين iiالأصحابي
فـألاصحاب مـاتنقاس بـالشكل والـملبوس = الأصـحاب تـظهر في اللوازم iiوالأصعابي
فـصحيبٍ لـيا مـني نـصيته وأنا iiمحيوس = لـقـيته عـلى الـميقاف لـلطيب iiكـسَابي
سـواٍ إنـي بـغيت الـجاه وإلأ بغيت فلوس = كـما الـشيك عـندي ضامنه داخل iiإحسابي
وصـحيبٍ لـيا جـيته تعذَر وحاسك حوس = عــذاره كـثـيره وأكـثر الـظن iiكـذَابي
يـنافق وقـلبه شـامخٍ بـالردى iiمـغروس = ولــو كـان ودَه مـاقدر فـعل iiالأشـنابي
فـألأشناب تحصد كلمة النعم غصب iiوجوس = زحـول الـرجال الـلي بـها المدح iiينسابي
وترى المرجلة تصعب على الهابي iiالدنفوس = وتـسهل عـلى الـلي بـالوفاء تعشق iiالنابي
وترى الرجل لاأخطى في شبابه من iiالناموس = صـعـيبٍ عـليه الـطيب يـاناس لاشـابي
وترى الضرس يضعف كل مادبِ فيه السوس = وتـرى الـبيت مـايبنى بـلاأعمادِ iiوأطنابي
ومـن لارفـع رآسـه مـع رافعين iiالروس = فـأنـا بـأشـهد إنَـه مـفلسٍ دام iiمـاطابي
وحـرامٍ عـلي يـاواحدٍ بـالردى مـغموس = لاأجـنَب عـنه وأبـعد ولو هو من iiأقرابي
وهــذي نـتيجة واقـعٍ حـاصلٍ iiمـلموس = جـرالي ودونـته عـلى صـفحة iiإكـتابي