ألم
يأس
حسره
ندامه
احساس راق لي
نزفه الشاعر ............مـــحــــمــــد الــــشـــهـــــري
يعني من قل المصايب صاب هذا الصدر ضيق=ولايعني من حلاة الحظ وعلو المكانه
ذي حياتي من مضيقٍ..في مضيقٍ..في مضيق=ولو بحثت الصبر فيني مااجد للصبر خانه
عادتي..لاضقت ادور حضن وعيون الرفيق=مشكله..لاصار ضيقي منهواحزاني عشانه
يوم قال:اسمح لي بارجع وانت كمل هالطريق=لازم تقدر..وتنسى..ننتهي كلٍ وشانه
قلت:صبرك ..يرحم الله والدينك..ما اطيق=ماني ناقص فوق جرح اقدارنا..جرح الخيانه
حاجتي لك حاجة الايتام..وايدين الغريق=طالبك طلبة..تراني اعشقك..صون الامانه
وراح ماكنه سمعني والتفت لفتة طليق=وقال:اخيراَ مابغينا..وللفراق اطلق عنانه
عندها ادركت فعلاَ قيمة الحب العتيق=وقلت:هذي آخرتها..ماتجاوزت امتحانه
ضيق صدر وجرح قلب ودمع عين ونشف ريق=هذا كل اللي جنيت وماقدرت اجني حنانه
استر لنفسي اعيش بضنك واحزان وحريق=ولا اموت من القهر وتكون موتتها ..جبانه
طالما بيني وبين الموت..ماحاجة تعيق=غير خوفي من غضب ربي وانا مسلم ديانه
لانويت امسح جميع اوراقي الأولى..افيق=وانصدم في واقعي المزري وفي قسوة زمانه
مدري..كن الحزن فيني شاف له نعم الصديق=مدري..يمكن كنت فعلاَ كفو للحزن وتكانه
والفرح..كالثوب لكن يبدو انه مايليق=دام لبسه لاي خاسر ماوراه..الا الاهانه
آآآه ياحزن يترفق..صاحبك جرحه عميق=اشهد انك يارفيق العمر..طيحت الميانه
مثلي مثل اللي يراهن خلق ربي في عشيق=والبلا راهن..ويدري خاسر العشق ورهانه
ويعني من قل الخساير صاب ذاك الشاب ضيق=يكفي..لا هالوقت وقته..ولا مكانه هومكانه