الله يعافيك يابو فيصل على هذه القصه المعبره والمشهور , لكن ان سمحت لي فعندي مداخله على موضوعك فالوضيحي يوم يقول :
ياليتني نداف قطن ٍ وابيعه=متحضرٍ في وسط سوق راوى
اشوف غزلانٍ يردن الشريعه =لبسن ثوب البزرقان الغناوى
راعي الكريشه ريف قلبي ربيعه = عليه بيبان الضماير تهاوى
مهوب يقصد البندري بنت الجربا , هو يقصد في بنات معينين , ويتضح هالامر بالابيت الاخير , فيوم سمعه العنزي ( وهو من شيوخ عنزه ) رد عليه يسبه ويسب اهل من مدحهن وذا واضح فالابيات اللى قالها
(( يقصد ببنت امكبرين الوشيعه =خطار اهلها بالاشاتي مقاوى))
ثم عاد قام يثني على بنت الجربا وانها هي من تستحق يقصد فيها فيوم سمعته فتفك قيده وتلبسه عقال ابوها وأمرته انه يدخل على الرجال بالمجلس ...الى أخر القصه
ولاهنت على هذا الإختيار الطيب والقصه الممتعه والطريفه .... تحياتي لك