بسم الله الرحمن الرحيم
السلام عليكم ورحمة الله وبركاته
نشكر شعرانا المميزيين عالإبداع والتفاعل والمشاركة ومجاراة الابيات المطروحه
فالمشاركات فوق الوصف إبداع متناهي ..
كلمات جميله سلسه ..
روائع استمتعنا بقراءتها
تفاعل نفخر به .. لاعدمنا توهجكم وتواصلكم
::
وهذي الابيات من الشاعر الاخ الكبير تركي هذال بن نيف
يقول فيها
سلام من قلب صدوق المشاعر=ياموقع بيـن المواقـع تميـز
موقع بني عمي رجال الدواسر=حبه شغل بقلوبنـا كـل حيـز
سطر افعول اجدادنا والمفاخـر=بأسم القبيله دون ميل وتحيـز
::
والابيات المجاريه
(1)
سلام من قلبٍ يزف البشايـر=للموقع الي يشتهـر بالتميـز
الموقع الي به علوم ومنايـر=جواز قلبي في ربوعه تفيٌـز
اجاري الشاعر ببيتين حاضر=الي يصوغ البيت من قاف ايٌز
(2)
للطيب فعروق النشاما مكاسـر=ياتركي الهذال وانـت المميـز
قدمت قافك للرجـال الكواسـر=الصدر واضح والنهاية على ايز
في منتدى للقلب مالك وآسـر=درب النقا تلقاه ماهـو محيـز
(3)
صدقت يا تركي يا عذب المشاعر=بقولك ترى موقعنا فـوق التميّـز
تلقى ولد عمك وتلقـى المفاخـر=راس الشرف مرفوع في كل حيّز
(4)
جانا بداله شاعـرٍ مـا يتياسـر=دايم على اليمنى قصيـده مميـز
تركي ولد هذال زبون المخاسر=شاعر وفي الماجوب ابد ما تحيز
والمنتدى شامخ وكلـه مفاخـر=عن غيرنا في كل شـي انتميـز
(5)
( كنيّز ) أنا أدور من كنوز الكواسـر=يكفـي وطحـت بكنـز ماهـو ( كنـيّـز )
( عزيّز ) دعانـي يـم جمـع الدواسـر=وجيت أنا مجـاوب لدعـوة ( عزيّـز )
( وجيّز ) الوقت لو مريـت بـه عابـر=تكسب كثير الفود في وقتن ( وجيّز )
( يميّـز ) الموقـع بـه جميـع المفاخـر=ومـن يجيـه يتميّـز ويعـود ( مميّـز )
(6)
يديره ارجالٍ حرارٍ نـوادر=اكبر تلاحم اشهد انه مجيـز
افعالهم ترسي سوات البواخر=مهما حكا عزيز والا فويـز
في كل ديره لدواسر منابـر=الموقع اللي راكز له ركيـز
مافيهم اللي نيته للمظاهـر=يرقى الطويله مايبيله عكيـز
(7)
ياميسر(ن) الامر لا صار عاسر=يسر لنا قاف العزيـز المميـز
تركي ولد هذال في الطيب جاسر=يفداه منهو في المواقف عجيـزّ
مدحت صرحن ضم كل الدواسر=جمعاً على عـز ولابـه تشيـزّ
امحطم كـل المواقـع وكاسـر=بالمجد والناموس كلـه محيّـز
(8)
سلام من قلب صدوق المشاعر=ياموقـع بيـن المواقـع تميـز
موقع بني عمي رجال الدواسر=حبه شغل بقلوبنـا كـل حيـز
سطر افعول اجدادنا والمفاخـر=بأسم القبيله دون ميـل وتحيـز
مجدٍ تليـد وجـدّدوه الآواخـر=بمحاكم التاريخ صكوكه تمّيـز
ماهي هروجٍ مالها أول ولا آخر=سوالفٍ قـد دبلجتّهـا العجيّـز
يامنتدانا عنـك مانـي بذاخـر=ليا ذخر من لاسوى ربـع بيّـز
ومن قام فيك نقابلـه فالمباخـر=وخل الردي ألي مطايز يطيّـز
(9)
سلام يابحـر عليـه البواخـر=لك في ربوع الكون يابحر حيّز
بحر الدواسريوم كـل تفاخـر=متفردٍ عن كـل بحـر مميّـز
يم عميق وبالمطاليـق زاخـر=أن غاب مطلق جاء بداله عزيّز
على خطى أولهم ولافيهم أخر=قبيلـة وحـده ولابـه تحيّـز
هم فخرللرجّال وأيضاً ذواخـر=للي نسيب وفي المواجيب عيّز
كل العقل متشابـه والمباخـر=الا عقالـك يالدواسـر مريّـز
أعضاء منتدانا الشامخ
هنا
(صدى نبض قصائد)
بنجومه وبوحهم المميز كما عهدناهم بين اياديكم وامام اعينكم
*لتقييم*
والتصويت على اي الابيات المجاريه في الوزن والقافيه والمضمون دون الرجوع لقائل الابيات
فالمجال الان مفتوح امامكم للتصويت ...