اخواني الاعزاء يسرني ويسعدني ان اهديكم هذه القصيده الجديده عسى ان تنال اعجابكم يالطيبين ,,,
يالله ياللي ماحدٍ غيرك يدوم= ياواحدٍ سر العباد تعلمها
تكتب لنا من رحمتك حظ وقسوم= ويسر لنا نفحات فظلك وادمها
انت الذي تنعم على كل محروم= وان مارحمت الحال ماحدٍ رحمها
ايامنا تعطي تجاريب وعلوم= وبعض البشر يبطي وهو ما فهمها
اقبالها واقفايها كنه حلوم= ودوراتها حلوٍ ومرٍ طعمها
الرابح اللي ما يفرط بها يوم= ما مرّ من لذاتها يغتنمها
مع طاعة الله صان عرظه عن الوم= والعز ودروب المراجل لزمها
نصيحتي مادمت للنصح ملزوم= ياللي جهلت اسمع لها واستلمها
لاترافق الا فالعرب كل شغموم= شهمٍ علوم الطيب يوفي سهمها
اللي يصير لرفقته عهد وسلوم= لامن بناها بالوفاء ماهدمها
وان شفت من عرظه مع الناس مذموم= النفس عنه عزها واحترمها
ترى له لسانٍ من الخبث مسموم= عقرب ثرىٍ يلدغ ذنبها وثمها
قلته وسلم العرف للناس مقيوم= وعن طولها ياجب علي اختتمها