اولا مشكوره اختي على الموضوع
ثانيا انا معك فيه بكل شي ولكن ممكن ان الجرأه في بعض المواضيع تعالج مشاكل
انا ما ادري وشي المواضيع اللي تقصدينها لكن مثل المواضيع اللي تتطلب جرأه في الطرح وتبادل الاراء وعدم الاجبار على الاراء بس تكون الجرأه في حدود المعقول وتكون هادفه شوفي حنا بعضنا مايعرف بعض الا باسمه بالمنتدى لا غير وهذا يساعد بعض الا عضاء الله يهديهم انهم يطرحون مواضيع مهي هادفه ولا بعد جريئه لاكثر من اللازم انا قريت في
منتدى القصص والروايات قبل فتره قصه وخجلت اني اكملها وما علقت عليها في هذي النقطه انا معك مهما كان الكاتب بنت او ولد ولكن في بعض المواضيع لازم من بعض الجرأه واصلا الجرأه اولا من اختيار الموضوع والتعديل عليه او كتابته وفي نظري يرجع لعدة اسباب منها : اسلوب الكاتب اللي يوضح طريقة تفكيره - ميوله - مع اني ابصم ان بعض الاعضاء طريقتهم بالتفكير بالمنتدى غير وبحياتهم غير (لانه هنا ممكن يكتب اللي يبي بس بشروط المنتدى طبعا بدون ما احد يعرفه ويطلع اما في حياته فهو مقيد بعدة ضوابط)- واحيانا مايكون للشخصيه ولا الاسلوب دور وانما فقط المشكله او الموضوع او اسلوب عضو استفزه اجبره على هذا الاسلوب اللي يعتقد من خلاله انه ممكن يأثر او يغير فيه شي ...
الكلام يطول لكن مثل ما قلتي مانعرف بعض اعمار الاعضاء فالاولى بالكاتب انه يراعي كتاباته في حدود المعقول
والمفروض ان الصغار الحلوين 
مايدخلون في مواضيع اكبر من سنهم ولا ياخذون حجة انهم بيتعلمون منها ...اشكر فيك الطرح الممزوج بالفكر الواعي
تقبلي مروري