[معلومات العضو مطلق الحصان آل عمار]

آثرك مع الوقت تلعبها بمظمارك=الين بانت وبيّن كل مافيها
لكنّ آبعلمك وان طال مشوارك=تراك مثل الثعل تتبع مواطيها
حفرك ودفنك عليك يثّور غبارك=واحذر يمينك توقع في مكاويها
مياسم الوقت عندي شاعمٍ نارك=وان قالها الله لزوم انك تصاليها
دلوك تقطّع وسدك بيّح اسرارك=ودارت عليك الليالي في نواحيها
حفرت حفرك وبيّن كل معيارك=وعريّت نفسك على العالم توريّها
عزمك تبيّن وعزمك عند مقدارك=بين القدم والمواطي في دوانيها
رح لم سالم معاها واعزف اوتارك=والحن لها كان تفهم في غوانيها