اختي ميهاف
بداية موضوع جيد والله انا كنت باتكلم عن هالناس وسبقتيني وانا اختك الناس اللي يسألون من شانك ياهلا ومرحبا وهم اللي يهمهم امرك ماهوب يسألون من شان لاتكابروا المجالس قاموا يحشون ذيك عصبيه وذي سمينه وذي طويله وذييك قصيره والمشكله انهم يسألون عن اشياء خاصه وودك حنا اللي نسألهم كان يقومون القيامه ولايقعدونها ( وش دخلكم ومن هالحكي) هذولا وانا اختك ماعليهم مأسف الطريق اللي يوديهم لايرجعهم وماعليهم حسوفه عشان كذا قلوب الناس كبرت على بعضها يمكن الزمن تغير بس اللي ابصم انها تغيرت قلوب الناس وحبهم للعلوم وضعف الوازع الديني عندهم وهذا اعتقد انه من الناس الكبار اللي المفروض يساعدونهم على صلة الرحم ماهوب جمع العلوم الله يحمينا منهم
شوفي عميد الاسره يحقق مع عياله واحفادهم كلمتوا فلان دقيتوا عليه واذا دقوا عليه قالوا ليش وش تبون فيهم انا اللي ادق واعلمكم عنهم تراهم مايبونكم تكلمونهم والا دقوا اخذوا العايله بالدور من الصغار حتى الكبار يشوفون العلم واحد والا متغير وخوينا بغربته الدنيا حايسته مادرا عنهم وقلبه متعلق فيهم الين كرههم من تصرفاتهم.. وفضل يعتزلهم حتى تخف المشاكل يدري عن علومهم من الناس حتى العروسات مايدري ان قريبته متزوجه الا الى قالوا جاها بنت او ولد ......والخافي اعظم ...........
على قولة الشاعر ووالله انه صادق بكل كلمه........
إياك خلان الرخا عدهم قـــــوم.....................خلان من دامه نعيمه ودامـي
الى أدبرت دنياك عدوك معدوم.....................مروك ما ردو عليك السلامي
تقبلي كلامي بصدر رحب 
وتقبلي مروري