[معلومات العضو ابو زيد الغييثي]

قال الذي من عادته يظبط القول=لا قال قوله مثل عد النقودي
هذي طراة القول لا صار منقول= لا فيه لا نقص ٍ ولا فيه زودي
القول في معناه يبقى على طول= لا قيل في شيخ ٍ عريب الجدودي
الشيخ(( ابوزابن)) له عزوم وفعول= فعله ينومس والقبايل شهودي
لو ينزل بجوب صحاصيح ومحول= يصبح نباته كل يوم ٍ بزودي
هذا نقل حمله وهذاك مكفول=من لاذ به يلقى الفرج والسعودي
كم من ضعيف ٍ حط من دونه قفول= ثم خلصه من محكمات القيودي
جاهه وفعله بان ماهوب مجهول=يعرف بنقله كل حمل يكودي
(( مرّان)) لا جات المهمات مسؤول= حلالها مهوب عنها صدودي
يبين له عند الصعيبات مفعول=شيخ يحل محكمات العقودي
هو شيخنا اللي للمناعير مدهول=عد رسين ٍ لا اقطعن الثمودي
يالله عسى ( ابن قويد) يكثير له نسول=حيث الفهد يرث محله فهودي
زيزوم من يرى شبا كل مصقول=لا جا نهار ٍ فيه نفض الزنودي
حريبهم من ضربهم راح مذلول=وزبينهم يامن ويرقى سنودي
هل وادي ٍ رسّوه بسيوف وزحول= بعز وفخر غصب على اللي جحودي
وادي الفضا ماجا براحات وسهول= الا بفعل موسعين الحدودي
كسابة الطالات في الموقف الهول= لا عد في مجد القبايل عدودي
( آلاد زايد) لا احتكم كل مفتول= حلوين مسقين المعادي نكودي

((لك السمع والطاعه يامران ميت وحي 1))