هذه محاورة جرت بين كلا من الشاعرين
محمد بن باني المخاريم
و
مسفربن محماس الكبيري
حيث بدأها مسفر بن محماس
مرحبا باسمي وباسم الحفل والقبيله= عد مالاح برقاً في عريض الخيالي
ليلة في العمر تسوى ثلاثين ليله= وابن باني عميلاً لي قديماً وخالي
ابن باني
البقاء يالمرحب عد وبل المخيله=في محل الرجال مكرمين السبالي
انبسط من عميل(ن)ماتناسا عميله= كلما لزم الميقاف وقف قبالي
ابن محماس
خابرك كلما ثقل الحمل ترتكي له = ما لثقل الحمول ألا ظهور الجمالي
الوفاء يامحمد ماندور بديله = والمعرفه رصيدي والوفاء راس مالي
ابن باني
اترك اللي إذا ثقل الحمل مايشيله = مايصد الرياح الا عروض الجبالي
خالك اللي على الطولات ماهس كيله = كان دار الرشايارجل فوق المحالي
ابن محماس
ياسحابناً تنشا من شمالٍ نخيله = عطني اتلا علومه ياكريم السبالي
شفتنا نوض برقه بس ماشفت سيله=جعل ربي يبارك فيه شرق وشمالي
ابن باني
كيف علمك ونا ماعرفنا حصيله = لا عرفت الجواب اعطيك حل السؤالي
كان ماهل وبل الغيث لاتحتري له = وانت رجل(ن) تعرف العلم في كل حالي