قصيدة قلتها في اجتماع الدواسر في دولة الكويت
انا ماندم على شي ن فعلته =ولااحب الزعل من غير داعي
لاني واثق الخطوه بدربي=شربت العزمن حلو الرضاعي
لاني دوسري من صلب دوسر= رجال في مناسبهم رفاعي
دواسرتغلبي وآلاد زايد=لهم في القوم طعنات وساعي
الى جانا زبين مانساوم =بتسليمه ولوفيها مساعي
يعيش بأمن وامانن معزز=وحنا له سياج بامتناعي
وعصانا موثقه بين القبايل=يسوج المملكه وامره مطاعي
لنا يوم الجهل صوله وجوله=سباع البر من لعداء شباعي
من الفرعه االى الخرج المسمى=ديار ربوعنا روس السباعي
ولابه دولتن الاوفيها =دواسر فعلها يذكر وشاعي
لنا جد تحدر من سلاله =ملوك ذكرها يروى سماعي
ولكن طلعه ربي كرامه=برؤيا صالحه هوخير داعي
خذاه ونزله في خير ديره=غنيه بالموارد والمتاعي
جميع افعال خلق الله قديمه= يكون الدوسري فعله تباعي
تزيد بكل وقت وكل لحظه =مثل لسهم بوقت اللارتفاعي
اماشفتو المحاور بالزراعه=قبايل نجد تاكل ماتباعي
ويوم الباخره في البحر الاحمر=طلع للدوسري فعل يذاعي
ومنا (مسلم) جاب العجايب=نيوتن في زمان الاختراعي
ولابه رجل له علم وشاني=يكون انا طرف للمجد راعي
خوال ملوك كنده لاذكرنا =وخوال الكلثمي علم جماعي
ومنا الشيخ زايد زاد فعله=وصل خيره الى فجوج وساعي
كريم رش خلق الله سحابه =حقايق لا حفظ الاخبار واعي
وخوال ملوكنا منا وفينا=ملوك للعرب سور ودفاعي
حماة الدين في وقت الحضاره=الى منه نعى الاديان ناعي
فخرنا لافخرنا وافتخرنا= فخر الاسلام للاسلام راعي
الا لايجهل احد علينا =فنجهل فوق شبر الجهل باعي
ونشرب ان وردنا الماء صفوا=ونضرب هامة الرجل الشجاعي
السنا خير من ركب المطايا=واندى العالمين كفوف ساعي
لون المجد فاطراف البسيطه =لزوم ناصله نرفع شراعي
ولا هضم القبايل كل ابوها=مراجلهم مثل شمس الشعاعي
ولاكنا رقينا واعتلينا=دواسر لن تراعي لن تراعي
وانا شاعر ولي في المجد هامه=نحب الموت عشق باندفاعي
وداعين المكارم والشجاعه=الى منه دعى للحرب داعي
كتبت الشعر من واقع حقايق=اعبر عن شعوري وانطباعي