اخواني الغزو الفكري بالعولمة المتحضره(لطمس الهوية لهذه البلاد)
لايقل عن الغزو البدني .ولكن (لن يغلب اثناعشرالفا من قله)
كما قال الرسول صلى الله عليه وسلم.
فهذه.......اثنا عشر بيتا.....
هات القدوع وهات معه الدلالي=واسكب لنا من صافي البن فنجال
ترى الدلال الصفر كيف الرجالي=وايضا لها بين المناعير منزال
في مجلس مافيه ذالك وذالي =في وقتنا اللي شاخ من يجمع المال
فيه السوالف مثل نقد الريالي=يسيل صدر بالحيا مابعد سال
ذكرت عصر للنشامى مضالي=فيه القلوب الصافيه رغم من قال
اهل العلوم الوافيات الجزالي=الشوروالحكمه مع ضرب لمثال
هذا ابن عم وذا حشيم وغالي=لوجاه ماعناه ماشال مثقال
واليوم لجل المال ماحدن يبالي =من زايد لنعام في حروب وقتال
ياهل الشيم والدين والراس عالي=ياهل المبادي الثابته كل رجال
عاداتنا لاتروح جوف الرمالي=مجالس الابطال تخريج لبطال
المملكه رمزالعرب والكمالي=آخرعروبتنا على مرلجيال
قولولكل الكون لا للضلالي=ترى شيمنا والقيم مقدم الفال