[معلومات العضو ابومبخوت الدوسري]

بسم الله الرحمن الرحيم اللهم صل على محمد وعلى آله وصحبه أجمعين السلام عليكم ورحمة الله وبركاته اخواني اقدم لكم قصيدة الشاعر/حمد البراطمي الزعبي حفظه الله في جاره فالح بن صغير العمور الدوسري رحمه الله حيث الجيره الطيبه والاحترام كما وصى بها ديننا الحنيف من تواصل وبذل المعروف ومراعات الخواطر وعدم اذيت الجار بأي شي يؤذيه اويكدر خاطره اليكم القصيده/

مرحوم ياجارربيع على الجار=عشرين عام مااشتكى منه جاره
مرحوم لعله مجارمن النار=ايضاعسى الجنه مقره اوداره
اللي لخرفان المصاليح جزار=والضيف دايم قايم في وقاره
يضحك حجاجه اليالفى البيت خطار=وتعليقه الكبشين فنه وكاره
يفرح به الجلاب لصار محتار=اللي بخرفانه يدور اتجاره
ولوحدهن باغلى ثمن طافي النار=يقدم عليها مايهاب الخساره
امشرع الباب للجار والمار=ذولا مساييروذولا زياره
ومن منسب مشهورفي قصة الجار=اللي تبرع بديته من جداره
موتتك فجعه يالعميري على الجار=وعلى الدواسر يالعميري خساره
الله يبيحك عد ماطايرطار=واعدادمن للبيت راحوزياره
ياماقضيناهاعلى بن وبهار=ويامى تخاوينابعز ونداره
فالح صحيب الضيف له عندنااذكار=لاجاءمجاله نشكره عندجاره
جارعلاجاره بساتين وانهار=وجار على جاره يثور غباره
وجارعلى جاره كمى الوالدالبار=وجارعلى جاره تقطع شراره
ياعل يطلع من دنياه ندار=يحيون ذكره مايطفون ناره
ظني ينومسني بوافين الاشبار=والنمر بالعاده يخلف انماره
وختمانهاتقديس علام الاسرار=اللي غطش ليله ووضح نهاره

الـشـاعـر/حـمـد الـبـراطـمـي الـزعـبـي