منسوبي وزوار هذا الصرح الشامخ
اسعد الله اوقاتكم بكل خير
من المعروف عند العرب في الجاهليه وفي السلام مكانت الخوي عندهم 000الخ0
والقصيده التي سوف اوردها قلتها في زميل وأخ عزيز جمعتنا خوة العمل لمدة ثمان سنوات تقريبآ وانا اعتبرها ثمانية ايام الزميل هو الأستاذ ( صقربن سالم الخنافر قحطان ) رئيس لجنة التعديات المشتركه في امارة محافظة الخرج 0 ونعم الخوي ونعم الزميل ونعم الرجل لما يتصفبه من الأدب والمعرفه والكرم والحكمه وبشاشة الوجه0 لااطيل عليكم اترككم مع القصيده 0
سلام ياساس الوفاء والشكاله = سلام مني عد وبل الرفيه
واعداد ماحول ابنك حواله= والذ من شهد النحل في الخليه
مني لبو سالم كتبت الرساله = رسالة مبنغى وراها جزيه
صقر على اسمه والمسمى غداله = طلعه بعيد ولا يصيد الرديه
نعم ببوسالم إلآ جاء مجاله = ونعم الخوي لامن نشد من خويه
طلق الحجاج وعون منهو شكاله = وعوق الخصيم إلياء انتو من نويه
له مجلس لاجاء المسير لقاله= برية والعود لزرق سويه
والظيف والمحتاج له في حلاله = قسم لهم من عند جزل العطيه
امعرب مابين جده وخاله = اهل الكرم والجود واهل الحميه
خنافر يوم الجهل والجهاله= تارد حياض الموت ورد الضميه
وياما خذو من زاهيات الشماله = واقفو عليها محتمين الونيه
وكم من عقيد جاو سبة زواله = برماحهم من فوق بنت العبيه
لاجا نهار فيه صوت وظلاله = والي سلم حطو بكبده لضيه
واليوم في الأسلام حكم وعداله= شيوخ لهم عند العرب مقدريه
فمادام ماقلناه يحكي خصاله = مدحه ومن مثله لزوم عليه
وبجاه رب البيت جل جلاله = صلو على المختار سيد البريه
والسلام عليكم 0
تركي بن هذال بن نيف