مساااء الخير للجميع اتمنى انت تنول القصيده ععلى رضاكم وترتقي لذائقتكم
سلام ياحبٍ غدا قبل عامين
اقفى كما ليلٍ طواه النهاري
وسلام ياقلبٍ صبر لين ذالحين
نفس الغلا نفس الوفا والمساري
وسلام ياروح الشعر والعناوين
يانور عيني وقت ليل الغداري
ياحبي الي جاريٍ فالشرايين
ليت الوصل والصد ضمن اختياري
ماكنت ابلّ بدمعتي ناشف الطين
واعيش من بين الوحوش الضواري
اعيش وكني واقعن بين نابين
في غربتي والدار ماهي بداري
عزاه ياقلبٍ غزته السكاكين
وعزاه ياحبٍ غشته الذواري
وعزاه يادربن غدا اليوم دربين
منه امهزومٍ بعد وقت انتصاري
لو ان ربي بدّل العمر عمرين
في ذمتي لعيشها فنتظاري
بصبر لعلك تذكر الحب يازين
وتكسر جناح الي من القلب طاري
يرجع في قلبك والهوى له قوانين
ماهي قرارٍ منك ولاّ قراري
لاعاد يومٍ فيه للصد ناوين
ولاعاد حبن فيه للصد طاري
وسلامتكم